Filipi 2:5 - Chipangano Chabwangu

⁵ Echo bonse mube nomutima uwo Klistu Yesu akwete:

Filipi 2:5 ပူးပေါင်းရင်းမြစ်များ

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Luka 22:27

Mba umukulu ninani, uwikala panshi nokulya nangula uyo uukobapyungila? Chakwebesha, ningulya uwikala panshi nokulya. Nomba nebo ndi mukati kenu ukubati mupyungi.

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Imilimo ya batumwa 20:35

Nalimulangilila muli fyonse ukuti mukupyungisha nefiso tufwile ukwafwa bo abatakwetepo ifiso. Ulo tulechita mfi, tufwile kwibukisha amashiwi aku Bashikulu Yesu uwasosele umwine ati, ‘Mukupela emwaba ishuko ukuchila mukupokelela.’”

Loma 14:15

Nga icho uulya tachisekeshapo wenu, ekwebati taukotungululwapo nechitemweko. Wileka ichakulya icho ulya chonaule wenu uyo Klistu afwilile!

Loma 15:3

Pakuti Klistu tayisekeshepo umwine enka, kuntu ukubati nimfilya Amalembo asosa ati, “Amashiwi yamusalula ayo balikukusalula ayisa pali nebo.”

Loma 15:5

Nomba Lesa uwafwilisha abantu ukuti bateke imitima nokushipikisha, amukoshe mwebo mukwikatana nku mukukonka imibele yaku Klistu Yesu.

1 Kolinto 10:33

Mulokuchita kubati ifyo nebo nchita. Ndesha ukusekelesha abantu bonse muli fyonse. Nshikofwayapo ukuyiwamisha nenka, kuntu ifiwamisha abantu bonse ukuti bapuluke.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Filipi 1:1

Nine Paulo na Timoti abapyungi baku Klistu Yesu. Twalembela bonse mwe bekala mumusumba wa Filipi, bo abali bantu baku Lesa muli Klistu Yesu. Tukolembela nakambi intungulushi nabapyungi abachilonganino.

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Petulo 4:1

Kubati nimfilya Klistu achulile mumubili, namwebo muyikoseleshe namalangulushi enka ngalya. Pakuba uuchula mumubili wakwe ekwebati alekana namabifyo.

1 Yohane 2:6

Uuli onse uusosa ukuti ali mwisenge na Lesa, alingile ukwikala ukubati nimfilya Yesu Klistu ayikele.