Filipi 2:26 - Chipangano Chabwangu

²⁶ Akomufuluka ukwinekantu, nakambi akochula mumutima pakuti mwalyumfwile ukwebati aali kulwala.

Filipi 2:26 ပူးပေါင်းရင်းမြစ်များ

Mateyo 11:28

“Iseni kuli nebo bonse mwe bakatele nokulemenwa, elo nande nakumupela ukutusha.

Mateyo 26:37

Yesu abulilepo Petulo nabamwana Sebedi babili. Elo atatikile ukulilishika nokusakamikwa.

Imilimo ya batumwa 21:13

Nomba Paulo ayasukile ati, “Chindo mukochita mwebo pakuyilishanya mfi nokutomposha umutima wanji? Nebo ndiyipekenye kale, tekukakwapo kwenka mu Yelusalemu iyowo, kuntu nokufwa pamulandu waku Bashikulu Yesu.”

Loma 1:11

Pantu nkofwayisha ukwinekantu ukumubona, ukuti njise mwakanyeko ifyabupe fimbi fyakumupashi ukuti mukoselesheko.

Loma 12:15

Sekeleleni nabo abakosekelela, elo lileni nabo abakolila.

Loma 9:2

ulo ndabila ati ndi nechikonko ukwinekantu. Ndomfwa ukufinya umutima pamulandu uwa Bayuda bananji.

1 Kolinto 12:26

Nga ichilewa chimo chaumfwa ukufinya, fyonse pamo filomfwa ukufinya. Nga chapelwa umuchinshi, fyonse pamo filasekelela.

2 Kolinto 9:14

Nomba bakumubwenesha ukutemwa kwabo pakumulombela pakuti Lesa amukwatile ubwanshi apakulu.

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

Efeso 3:13

Echo nkomupapata ukwebati mwinakapo imitima pamulandu wakuti nkomuchulila. Pakuba nku kuchula buchindami bwenu.

Filipi 1:3

Ndatotela Lesa wanji lonse ulo mwibukisha.

Filipi 1:8

Lesa ekamboni wanji ukwebati ndamufuluka nomutima wanji onse, pakuba nalimutemwa kubati kutemwa kwaku Klistu Yesu umwine.

Filipi 2:25

Nomba nalanguluka ukuti chiweme ukutuma wesu Epafuloditasi, umubomfi nakambi umushilikali waku Bashikulu kubati ifyo naba. Mwalimutumine ukuti ese angafwilisheko.

Filipi 2:27

Nachine alilwele ukwinekantu, ali apepi nokufwa. Nomba Lesa alimukwatila inkumbu. Te enka bwanka akwatilepo inkumbu iyowo, kuntu nandibo, ukwebati pelundwapo amachushi pali ngalya ndinawo kale.

Filipi 4:1

Echo mwe bawesu, nalimutemwesha, elo ndamufuluka. Mulansangalasha nakambi nimwe ingala yanji iyo mbekelamo. Mwe batemwekwa, imakaneni ndi muli Bashikulu.

1 Petulo 1:6

Mfi fimusangalashe nangu mumfwe ukufinya nomba ulo mukoyeshekwa munshila shapusana-pusana pakanshita kanini.