Filipi 2:2 - Chipangano Chabwangu

² Nkomupapata nomba ukuti munsekeshe ukwinekantu mukumfwana namukwikatana pamo mukutemwa. Muchite mfi nomutima umo, elo namalangulushi amo.

Filipi 2:2 ပူးပေါင်းရင်းမြစ်များ

Yohane 3:29

Uyo uukoupa emwine wabwinga, kuntu chibusa wabwinga emakanina bwaka nokukutika, nokusekela pakumfwa ishiwi lyawabwinga. Kanshi nku ekusekela kwanji ukwakufikapo.

Imilimo ya batumwa 1:14

Mba bonse balikulongana libili-libili mukulomba pamo na Maliya banyina baku Yesu nabawakwe Yesu pamo nabanakashi bambi.

Imilimo ya batumwa 2:1

Ulo akasuba ka Pentekosite kafikile, abachetekela bonse balongene muchifulo chimo.

Imilimo ya batumwa 2:46

Chila kasuba balikukumana pamo munanda yaku Lesa nomutima umo. Elo balikupokelela umulalilo mumananda yabo nokulya ifyakulya nemitima yansansa nokuyichefya.

Imilimo ya batumwa 5:12

Abatumwa balikuchita ifyafiso ifikulu nefyakushimbwisha ifinji pakati kabantu. Abalikuchetekela bonse balikulongana nomutima umo mulukolo ulo balikwita ati, “Lukolo lwakwa Solomoni.”

Loma 12:16

Mulokumfwana lonse. Mwiitutumunapo, kuntu mutemwane nabantu bwaka. Mwilokuyilangulukapo ukuba abamulangwe.

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

2 Kolinto 13:11

Echo mwe bawesu, shalenipo umutende. Mweshe ukuba abafikapo, nakilileni kufyo nkomweba, mulokumfwana, elo mwikale mumutende. Elo na Lesa uwakutemwa nomutende akuba namwe.

2 Kolinto 2:3

Echo namulembele kalata njilya. Nshafwayile ukwisa kuli mwe ukutina ati mwebo mwe balingile ukunsangalasha mwinganyekeshapo umutima. Nalishiba ukuti nga ndisangalile, namwebo bonse mulasangalala.

2 Kolinto 7:7

Tekufika kwakwe bwaka iyowo, kuntu namashiwi aasosa ifyo mwamukoseleshe. Alitwebele ati mukonkabila ukwinekantu, ukuchula kwanji kukomuchusha, elo nokuti muli abayipekanya ukungafwilishako. Epamulandu ngu nkosekelela ukwinekantu.

Filipi 1:4

Lonse ulo mulombelako, ndalomba nokusangalala.

Filipi 2:16

ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

Filipi 2:20

Tanshikwetepo nangu umo uuli kubati ye uuposako amano pafyaku mwebo.

Filipi 4:2

Nkopapata Yuwodiya na Sintike ukuti bomfwane muli Bashikulu.

Kolose 2:5

Nangu tanshili pamo namwebo mumubili, kuntu ndipamo namwebo mumupashi. Elo nkosekelela pakubona ukutekanya kwenu, nokukosa kwachichetekelo chenu muli Klistu.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

2 Timoti 1:4

Ndalanguluka iminsoshi yako. Elo ndakufuluka ukwinekantu ukufwaya ukukubona ukuti ningaba nensansa.

Filimoni 1:20

Ina, we wesu nkofwaya ukuti ungafwilisheko muli Bashikulu. Nga wesu muli Bashikulu, unsekelesheko.

2 Yohane 1:4

Nalitemenwe ukwinekantu pakusanga ukwebati abana bobe bayikala muchine, kubati nimfilya Bata batufundilepo.

3 Yohane 1:4

Tapapo ichinengela ukutemwa ukwinekantu ukuchila ukumfwa ati abana banji bakoyenda muchine.