Filipi 2:17 - Chipangano Chabwangu

¹⁷ Nalimo umulopa wanji wakwitilwa kubati chipupo ichipelwa nechichetekelo chenu kuli Lesa. Kati efyo chili, nkosangalala, elo nakusangalala pamo namwebo bonse.

Filipi 2:17 ပူးပေါင်းရင်းမြစ်များ

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Imilimo ya batumwa 21:13

Nomba Paulo ayasukile ati, “Chindo mukochita mwebo pakuyilishanya mfi nokutomposha umutima wanji? Nebo ndiyipekenye kale, tekukakwapo kwenka mu Yelusalemu iyowo, kuntu nokufwa pamulandu waku Bashikulu Yesu.”

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

2 Kolinto 12:15

Nebo kuti natemwa ukuposa fyonse ifyo ndinafyo, pamo nande, pamulandu wenu. Nomba nga nalimutemwa ukwinekantu mfi, napo mwebo mwakuntemwa panini bwaka?

2 Kolinto 4:12

Echo imfwa yaba pali fwebo, nomba nchi chimupela mwebo ubumi.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

2 Kolinto 7:4

Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.

Filipi 1:20

Echo nkopembela mukuchetekela nomutima onse ukwebati nshakomfwepo insoni iyowo. Nangu ndinobumi nangu nafwa, lonse nkofwaya ukuba uwashipa nokuleta umuchinshi kuli Klistu.

Filipi 2:18

Munshila imo yenka, namwebo mutemwe nokusangalala pamo nane.

Filipi 2:30

Aali apepi nokufwa pamulandu wamilimo yaku Klistu. Apele ubwafwilisho ubo mwebo mwafwililwe ukumpela.

Filipi 4:18

Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

1 Tesalonika 2:8

Twalimutemenwe ukwinekantu ichakuti twalipekenye ukwabana namwebo, te Butumi Bwawama bwaku Lesa bwenka iyowo, kuntu nobumi bwesu.

2 Timoti 4:6

Ukusosa ifyaku nebo, ubumi bwanji bwatatika kale ukwitululwa ukubati chipupililo, nenshita yanji yakufuma mubumi mbu ilifikile.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Yohane 3:16

Mfi efyo twayishibila ukutemwa ifyo kwaba: Klistu apele ubumi bwakwe kuli fwebo. Nafwebo tufwile ukupa ubumi kuli bawesu.