Filipi 2:16 - Chipangano Chabwangu

¹⁶ ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

Filipi 2:16 ပူးပေါင်းရင်းမြစ်များ

Mateyo 10:27

Icho nkomweba mumfishi, mukachisosele pakasuba, nanchilya mukoumfwa mukantepe-ntepe fyakumfwikila pamulu wamutenje wamananda.

Luka 12:8

“Elo nkomweba nati, uyo onse uwansumina pamenso abantu, Umwana wa Muntu naye akwisa kumusumina pamenso abangelo baku Lesa.

Yohane 6:63

Umupashi Wabuta eupela ubumi butashila. Umuntu tekuti abe nobumi ubu umwine enka. Amashiwi aya ayo nkomweba eyaleta Umupashi waku Lesa uupela ubumi.

Yohane 6:68

Simoni Petulo alimwasukile ati, “Bashikulu, mba nikuli nani twingaya? Nimwe mukwete amashiwi aapela ubumi butashila.

Imilimo ya batumwa 13:26

“Mwe bawesu, mwe balupwa lwakwa Abulahamu namwe bonse abalomba kuli Lesa, nikuli fwe ndi shiwi lyakupulushiwa lyatuminwe!

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

1 Kolinto 9:26

Echo nebo nshibutukapo ichibutuke-butuke iyowo. Elo nshilipo ukubati muntu uuposa amakofi ichipose-pose.

2 Kolinto 1:14

nga mfilya mwatatika ukutwishiba panini, mwakutwishiba ukufikapo ukuti mungamekelapo pali fwe kubati nimfilya tukamekelapo pali mwe mukasuba kaku Bashikulu Yesu.

Galatiya 2:2

Naliile nku pakuti Lesa ewantumine. Pakulongana ukwabakulu abachilonganino, nalilondolwele bwino-bwino ifya Butumi Bwawama ubo nsambisha kubenafyalo. Nachitile mfi ukwebati imilimo iyo momba kuti yaba iyabwaka.

Galatiya 4:11

Nkotina ukwebati nalimo ukubomba kwanji pali mwebo kwakuba ukwabwaka.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

Filipi 1:6

Echo ndishibile ukwebati Lesa uwatatikile umulimo uuweme ngu muli mwe, akutwalila ukufika ukashile pakasuba ulo Klistu Yesu akubwela.

1 Tesalonika 2:19

Kanshi ulo bakwisa Bashikulu Yesu Klistu kumupwilo, ukulolela, ukusekelela elo nechilambu chesu fikafuma kwisa? Tepali mwebo?

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.

Hebele 4:12

Pakuti amashiwi aku Lesa abumi nakambi afiso. Alitwa ukuchila umwele uwatwa konse-konse. Alaputula pakati kabumi nomupashi, amafupa nobutomfyo bwamumafupa. Elo alapingula amalangulushi namapange aamuntu.

1 Petulo 1:23

Pakuba mwebo mwalifyalwa libili, tekumbutopo ishonayika, kuntu kuyitonayika iyaba Mashiwi aku Lesa aabumi aabelelele.

1 Yohane 1:1

Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.

Ukufisulula 22:17

Umupashi Wabuta na nabwinga bakoti, “Iseni!” Na uyo onse uukoumfwa amashiwi nga asose ati, “Iseni!” Uli onse uukwete ichilaka ese apokelele bwaka amenshi aapela ubumi.