Filipi 2:11 - Chipangano Chabwangu

¹¹ Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

Filipi 2:11 ပူးပေါင်းရင်းမြစ်များ

Mateyo 10:32

“Umuntu onse uwakunsumina pamenso abantu, eye nandibo nakwisa kumusumina pamenso aku Bata bakumulu.

Luka 2:11

Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu!

Yohane 12:42

Nangu chali mfilya, abenji abamubakulu ba Bayuda balichetekele muli Yesu. Nomba pamulandu wakutina Abafalisi, tabalikusosapo palwalala ukwebati belenga babatamfye munanda yakulombelamo Lesa.

Yohane 13:13

Mwebo mukonjita ati, ‘Musambishi’ nakambi ati, ‘Bashikulu.’ Nachine mukolungika pakuti efyo naba.

Yohane 13:14

Nomba mwabona nebo Shikulunwe no Musambishi wenu, nasamba amakasa enu. Namwe kumo sambanenipo amakasa yenu.

Yohane 14:13

Elo nakwisa kuchita fyonse ifyo mwakwisa kulomba mwishina lyanji ukuti Bata bachinshikilwe mu Mwana wabo.

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 17:1

Ulo Yesu ashilile ukusosa amashiwi ngalya, aloleshe kumulu nokusosa ati, “Bata, inshita yafika. Chinshikeni Umwana wenu, ukuti naye amuchinshike.

Yohane 20:28

Tomasi alimwasukile ati, “Mwe Shikulu wanji, na Lesa wanji!”

Yohane 5:23

pakuti abantu bonse bachinshike Umwana kubati nimfilya bachinshika Bawishi. Umuntu onse uutachinshikapo Mwana takochinshikapo na Bawishi abamutumine.

Yohane 9:22

Abafyashi bakwe basosele mfi nipamulandu wakutina abakulu. Mba basuminishenye kale ati onse uwakwisa kusumina ukwebati Yesu Ewasubwa waku Lesa, bakwisa kumutamfya munanda yakulombelamo Lesa.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

Loma 14:11

Pakuti Amalembo akososa ati, “Bashikulu bakoti, ‘Napali nebo, abantu bonse bakumfukamina nokusuminisha ukuti ninebo Lesa.’”

Loma 14:9

Pakuti Klistu alifwile nokubuka ukufuma kubafwa ukuti abe Shikulu wabonse ababumi nabafwa.

Loma 15:9

nokupela abenafyalo ichintu ichakuchinshikilapo Lesa pamulandu wabwanshi bwakwe. Chili kubati nimfilya Amalembo asosa ati, “Nakukutondayisha pakati kabenafyalo, nakwimba inyimbo ishakukutondayishapo.”

1 Kolinto 12:3

Echo umuntu onse uukotungululwa no Mupashi Wabuta tangasosapo ati, “Yesu alapishiwe.” Elo tapapo uungasosa ati, “Yesu ni Shikulu,” uutatungululwapo no Mupashi Wabuta.

1 Kolinto 15:47

Umuntu wakwamba ngulya afumine kwiloba. Umuntu wachibili afumine kumulu.

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Yohane 4:15

Umuntu onse uusumina ukuti Yesu Mwana waku Lesa, ekuti aba muli Lesa, elo na Lesa aba muli ye.

1 Yohane 4:2

Muli nji nshila, mwakwishibilamo umuntu uwakwata Umupashi waku Lesa: onse uusuminisha ati Yesu Klistu ayishileba umuntu wine-wine, waku Lesa.

2 Yohane 1:7

Pakuti ababufi abenji balisalangene mpanga yonse, abo abatachetekela ukuti Yesu Klistu ayishileba umuntu wine-wine. Umuntu onse uukokana mfi wabufi, nakambi chipondo chaku Klistu.

Ukufisulula 3:5

Bonse abakuchimfya, bakufwala mfi ifibutile tuutu, amashina abo nshakafutepo mwibuku lyabumi. Nakubilisha amashina abo kuli Bata nabangelo bakwe.