Filipi 1:9 - Chipangano Chabwangu

⁹ Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

Filipi 1:9 ပူးပေါင်းရင်းမြစ်များ

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

2 Kolinto 8:7

Kubati nimfilya muli abachila muli fyonse: Mukuchetekela, mukusosa, mukwishiba, mukufwayilisha ukwafwa namukututemwa. Efyo mukachilepo namukupela nku ukwakwafwilisha.

Efeso 5:17

Echo mwibapo abapuneme, kuntu mwishibe ifyo Bashikulu bafwaya ukuti muchite.

Kolose 1:9

Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

Kolose 3:10

Nomba mwalinjila mubumi bwabwangu. Elo kabumba wenu eubulenga ubwabwangu lonse muchipasho chakwe pakumupalamika uko aba, pakuti mumwishibishe bwino.

1 Tesalonika 3:12

Bashikulu balundeko ukutemwana kwenu nokutemwa uko mukwete kubantu bonse ukubati ninku tukwete pali mwebo.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

Filimoni 1:6

Nkolomba ukuti ichichetekelo icho ukoakana nabo chibombe imilimo ukufikapo, ukuti ufishibishe bwino fyonse ifiweme ifyo tupokelela muli Klistu.

Hebele 5:14

Nomba ichakulya ichikosele chabantu abashipa. Ukupitila mukuchita ifintu, bangapusanya pakati kafilungeme nefitalungeme.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.