Filipi 1:8 - Chipangano Chabwangu

⁸ Lesa ekamboni wanji ukwebati ndamufuluka nomutima wanji onse, pakuba nalimutemwa kubati kutemwa kwaku Klistu Yesu umwine.

Filipi 1:8 ပူးပေါင်းရင်းမြစ်များ

Luka 1:78

Lesa wesu aba uwankumbu nowamutembo. Akwisa kutusanikila nechipulusho chakwe, kubati kutuba kwakumacha.

Loma 1:9

Lesa uwo nebo mpyungila mukubilisha Ubutumi bwakwe Bwawama nomutima wanji onse, ekamboni wanji ukuti nebo ndamwibukisha.

Loma 9:1

Nkososa ifyakwebesha muli Klistu, tanshikobepapo iyowo. Nomutima wanji ukotangililwa no Mupashi Wabuta ukonsuminisha nebo ati nshisosapo bufi

2 Kolinto 13:9

Tulasekelela ulo tuli abanaka, ulo mwebo muli abafiso. Icho tukolomba Lesa chakuti mube abapwililika ukufikapo.

2 Kolinto 6:12

Tatwamwisalilepo imitima yesu iyowo, kuntu mwebo mwatwisalile imitima yenu.

2 Kolinto 7:15

Ukuchilapo Taitasi akosekelela ukwinekantu ulo ebukisha ifyo mwaumfwile amashiwi anji, nefyo mwamupokelele mumwenso nokututuma.

Galatiya 1:20

Nkolapa pamenso aku Lesa ukuti ifyo nkomulembela fyachine, nshikobepapo iyowo.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Galatiya 4:19

Mwe bana banji, kubati nimfilya umwanakashi aumfwa ukufinya pakupusuka, efyo nandibo nkoumfwa ukufinya pamulandu wakumwebo ukufikila nobwina Klistu bwakuba muli mwe.

Filipi 2:1

Ubumi bwenu muli Klistu bulamukoselesha. Ukutemwa kwakwe kulamusekelesha. Muli nomutima umo mu Mupashi Wabuta. Echo mulomfwila abanenu inkumbu nechisa.

Filipi 2:26

Akomufuluka ukwinekantu, nakambi akochula mumutima pakuti mwalyumfwile ukwebati aali kulwala.

Filipi 4:1

Echo mwe bawesu, nalimutemwesha, elo ndamufuluka. Mulansangalasha nakambi nimwe ingala yanji iyo mbekelamo. Mwe batemwekwa, imakaneni ndi muli Bashikulu.

Kolose 2:1

Nkofwaya ukumwishibishako ifyo mombesha ukwinekantu pali mwebo napabena Lawodisiya, nambalya bonse abatalambonapo.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

1 Tesalonika 2:5

Ukubati nimfiya mwayishiba, tatwayishile kuli mwe namashiwi akumunasha nangu ayakwichingilila kubunkalwe bwesu iyowo. Lesa ekamboni wesu.

1 Tesalonika 2:8

Twalimutemenwe ukwinekantu ichakuti twalipekenye ukwabana namwebo, te Butumi Bwawama bwaku Lesa bwenka iyowo, kuntu nobumi bwesu.

2 Timoti 1:4

Ndalanguluka iminsoshi yako. Elo ndakufuluka ukwinekantu ukufwaya ukukubona ukuti ningaba nensansa.

Filimoni 1:12

Nomba namubwesesha kuli webo. Nachine mukuchita mfi, chili kubati nakupela nomutima wanji onse.

Filimoni 1:20

Ina, we wesu nkofwaya ukuti ungafwilisheko muli Bashikulu. Nga wesu muli Bashikulu, unsekelesheko.

1 Yohane 3:17

Nga umuchindami abona wakwe akokabila ubwafwilisho, kuntu tamwafwile, ukutemwa kwaku Lesa kwaba shani muli Ye?