Filipi 1:6 - Chipangano Chabwangu

⁶ Echo ndishibile ukwebati Lesa uwatatikile umulimo uuweme ngu muli mwe, akutwalila ukufika ukashile pakasuba ulo Klistu Yesu akubwela.

Filipi 1:6 ပူးပေါင်းရင်းမြစ်များ

Yohane 6:29

Yesu alibasukile ati. “Lesa afwaya ukuti muchetekele muli ngulya uwo atuma.”

Imilimo ya batumwa 11:18

Ulo baumfwile nga mashiwi, alibashinine. Elo bachinshikile Lesa ati, “Kanshi Lesa alipela abenafyalo inshita yakulapila kumabifyo abo ukuti bakwate ubumi!”

Imilimo ya batumwa 16:14

Umo waku bo abalikutumfwa ali ni Lidiya uwaku Tiyatila. Alikushitisha insalu ishaswetuluka. Ngu mwanakashi alikulomba Lesa. Elo Bashikulu bayiswile umutima wakwe ukuti omfwikishe ifyali kusosa Paulo.

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

2 Kolinto 1:15

Pakuti pali mfi nali uwachetekela, nalilangulukile ukwebati njise mutandalile ukwebati mushukishiwe pakumutandalila imiku ibili.

2 Kolinto 2:3

Echo namulembele kalata njilya. Nshafwayile ukwisa kuli mwe ukutina ati mwebo mwe balingile ukunsangalasha mwinganyekeshapo umutima. Nalishiba ukuti nga ndisangalile, namwebo bonse mulasangalala.

2 Kolinto 7:16

Ndinokusekelela ukwinekantu pakuti kuti namuchetekela pali fyonse.

2 Kolinto 9:4

Nomba nga abena Masedoniya bambi banshindika, elo bakamusange ukwebati tamuyipekenyepo, mwakungumfwisha insoni ukwinekantu. Ukuyitutumana kwesu pali mwe kwakuba ukwabwaka, chikanga mwebo mwakuba nensoni ukuchilapo.

Galatiya 5:10

Pakuti tuli bamo muli Bashikulu, nkochetekela ukwebati tamwapusanepo nandibo mumalangulushi. Nomba ngulya uukomufulunganya nga ninani, Lesa akumupela umulandu.

Efeso 4:12

Achitile mfi ukuti apekanishishe kabela abantu baku Lesa ukuti babombe umulimo nokwimaka ichilonganino icho ichili mubili waku Klistu.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

Filipi 1:29

Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.

Filipi 2:12

Nomba mwe batemwekwa banji, kubati nimfilya mwali abanakila ulo nali namwe, nomba beni abachumfwila ukuchilapo apo tanshili namwebo. Echo bombeni mukufikilisha chipulusho chenu mukutina namukututuma.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

Filipi 2:16

ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

Kolose 2:12

Pantu ulo mwabatishiwe mwashikilwe pamo na Klistu. Elo mulubatisho lwenka emo mwabukile pamo na Klistu mukuchetekela kwenu mufiso fyaku Lesa uwamubushishe Klistu kubafwa.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

2 Tesalonika 1:11

Ngu emulandu twamulombelako kuli Lesa ukuti mube abalinga mubwite bwenu. Elo tukolomba ukuti, mufiso fyakwe, amukoseleshe ukuchita ifiweme fyonse ifyo mukokabila ukuchita muchichetekelo chenu.

2 Tesalonika 3:4

Elo Bashikulu balatupela ichichetekelo muli mwebo ukuti mwakutwalilila ukuchita ifyo twamwebele.

Filimoni 1:21

Ulo nkolemba mfi, ndishibile ukwebati wakuchita ifyo nkokupapata. Ndishibile ukwebati wakuchisha ukuchita pali mfi nakupapata.

Hebele 10:35

Echo mwiposapo ukushipa kwenu pakuti kwakumuletela ichabupe ichikulu.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

2 Petulo 3:10

Nomba akasuba kaku Bashikulu kakwisa nga mung’o. Pakasuba nkalya iwulu lyakuluba nokubuluma ukukulu. Ifintu fyonse fyakupya nokusungulika kumulilo. Elo ichalo nefintu ifyabamo fyakupya shikiti.