Filipi 1:26 - Chipangano Chabwangu

²⁶ Echo ulo nakufika uko muli mukaba nokusekelela nokuyitakisha muli Klistu Yesu pamulandu waku nebo.

Filipi 1:26 ပူးပေါင်းရင်းမြစ်များ

Yohane 16:22

Emfilya chili kuli mwe. Nomba muli nechikonko, kuntu nakwisa kumubona nakambi. Elo imitima yenu yakwisa kwiula nokusekelela. Echo ukusekelela kwenu tapapo nangu umo uukoyisa kukufumyako kuli mwe.

Yohane 16:24

Inshita yapitapo tamwafumbilepo kantu mwishina lyanji. Fumbeni, elo mwakupokelela ukuti ukusekelela kwenu kube ukwafikapo.

2 Kolinto 1:14

nga mfilya mwatatika ukutwishiba panini, mwakutwishiba ukufikapo ukuti mungamekelapo pali fwe kubati nimfilya tukamekelapo pali mwe mukasuba kaku Bashikulu Yesu.

2 Kolinto 5:12

Tatukoyitondayisha fwebene kuli mwe nakambi iyowo. Tukofwaya ukwebati mwebo muleyitutumwina muli fwe. Tukofwaya ukwebati mukwate ichakwasuka bo abakoyitutumwina pafiboneka namenso bwaka, ukuchila ifyamumutima.

2 Kolinto 7:14

Nalimwebele ati ndayitutumuna pali mwe pamulandu wakwa Taitasi, elo tamungumfwisheko insoni. Nomba kubati fyonse ifyo namwebele fyali ifyakwebesha, mumo mwine nokuyitutumuna kwanji kuli mwe pali ye kwali ukwakwebesha.

2 Kolinto 7:4

Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.

2 Kolinto 7:6

Nomba Lesa uukoseleshako abanakile imitima, alitukoseleshe ulo Taitasi afikile.

Galatiya 6:4

Umuntu onse ayeshe imikalile yakwe. Panuma elo ayikushe umwine, ukwambula ukupalanya kuli umbi iyowo.

Filipi 3:1

Pakulekelesha bawesu, nkomweba ati, sangalaleni muli Bashikulu. Tanshatendwepo ukumulembela ifintu ifyo nalembele kale. Pakuba kuli mwebo chilafwilisha.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Filipi 4:10

Nkosekelela ukwinekantu muli Bashikulu nomba pakuti, ulo kwapita inshita iitali, mwatatika nakambi ukulanga ukuti mulanjibukisha. Ukunjibukisha mwali kunjibukisha, nomba tamwakwetepo ishuko ilyakubweneshako nchi.

Filipi 4:4

Mulokusekelela muli Bashikulu inshita shonse. Nakambi nkobwekeshapo, sekeleleni!