Filipi 1:25 - Chipangano Chabwangu

²⁵ Ukwambula ukukayika, ndishibile ati ndinokwikalapo. Nakupitilila ukwikala namwebo bonse, ukumwafwa pakuti ichichetekelo chenu chikulileko, elo chimupeleko ukusangalala ukuchila akale.

Filipi 1:25 ပူးပေါင်းရင်းမြစ်များ

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Imilimo ya batumwa 20:25

“Ukubako ndishibile ukuti mwebo bonse nalikwendaukamo ulo nalikushimika ifya bufumu bwaku Lesa, tamwakambonepo nakambi iyowo.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 15:18

Nshakwatepo insoni ukusosa ifyo nkochita ukupitila muli Klistu ulo nkolonganya abenafyalo ukwebati banakile Lesa. Nkochita mfi mukusambisha namumilimo,

Loma 15:29

Ndishibile ukuti ulo nakwisa kuli mwe, nakumuletela amashuko ayenji ayaku Klistu.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

2 Kolinto 1:24

Tekwebati tukofwaya ukumupatikisha ifyo mulingile ukuchetekela. Ukusosa pachichetekelo chenu, muli abakosa ndi. Ulo tufwaya ukwafwilishanya namwe kwebati mube abasekelela.

Filipi 1:24

Nomba pamulandu waku mwebo chingawama ukwebati njikale uwabumi.

Filipi 2:24

Nkochetekela muli Bashikulu ukwebati bwangu-bwangu nandibo nakwisa kuli mwe.

Filimoni 1:22

Chimbi nacho ninchi: unteyanishisheko umwakufikila, pakuti nkochetekela ukuti Lesa ali nokwasuka ukulomba kwenu nokumbwesesha kuli mwebo.

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.