Filipi 1:13 - Chipangano Chabwangu

¹³ Echo abashilikali bonse abalonda inanda yamfumu, nabambi bonse abali nkuno, balishibile ati ndimuchifungo pamulandu waku Klistu.

Filipi 1:13 ပူးပေါင်းရင်းမြစ်များ

Imilimo ya batumwa 26:29

Elo Paulo amwasukile ati, “Nangu ibe inshita iinini nangu iitali, ukulomba kwanji kwakuli Lesa ukuti mwebo, pamo nabonse abakonkutika pakasuba kalelo, babe kubati nimfino ndi ukufumyako bwaka ukukakwa iminyololo nji isho ndi nasho!”

Imilimo ya batumwa 26:31

Ulo balikwenda balikuyisoshanya benka ati, “Ngu muntu tapali ichibi nangu chimo icho achita icho engafwilapo nangula ukuposwa muchifungo.”

Imilimo ya batumwa 28:17

Ulo papitile inshiku shitatu, Paulo, ayitile abakulu ba Bayuda abamumushi ngulya ukuti bakumane pamo nokubashimikilako. Ulo balongene, asosele kuli mbo ati, “Mwe bena Isilaeli bananji! Nebo tanshachitapo nangu chimo ichabipa kubantu bamutundu wesu, nangula ukupula utufuto twafikolwe fyesu. Nalikakilwe mu Yelusalemu nokuposwa muminwe yabena Loma.

Imilimo ya batumwa 28:20

Echo mwitile ukuti ndikakilwe mfi muminyololo pamulandu waku ngulya abena Isilaeli bonse bakolindila.”

Imilimo ya batumwa 28:30

Paulo ayikelemo imyaka ibili mu Loma, munanda alikuyisonkelela umwine. Nakambi alikupokelela bwino bonse abalikwisa mukumupempula.

Efeso 3:1

Nipamulandu ngu nebo ne Paulo umufungwa pamulandu waku Klistu Yesu nati mupyungile mwe benafyalo.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Efeso 6:20

Nangu ndimuchifungo, kuntu ndimutumwa wa Butumi Bwawama mbu. Munombele ukuti nsose mukushipa nga umo ningile ukusosa.

Filipi 1:30

Elo namwe mukulwa inkondo iyo mwabwene nkolwa, iyo nchili ndelwa nanduno ukubati nimfilya mwaumfwa.

Filipi 1:7

Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

Filipi 4:22

Bawesu abapatulika bonse abo ndinabo nkuno bakomuposha umutende, ukuchilapo abo abapyungila munanda yamfumu iyaku Loma.

2 Timoti 2:9

Pamulandu Wabutumi mbu ndachushiwa nokukakwa iminyololo kubati ningulya bapela umulandu. Nomba amashiwi aku Lesa tekutipo akakwepo iyowo.