Filipi 1:10 - Chipangano Chabwangu

¹⁰ Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

Filipi 1:10 ပူးပေါင်းရင်းမြစ်များ

Mateyo 16:23

Nomba Yesu alyalukile nokwebaula Simoni Petulo ati, “Fuma mpa Satana! Pantu ifyo ukolanguluka tefyaku Lesa iyowo, kuntu fyabuntu.”

Mateyo 26:33

Elo Petulo ayasukile Yesu ati, “Nangu bambi bakubutuka, kuntu nebo iyowo!”

Yohane 1:47

Ulo Yesu abwene Natanayeli akoyisa kuli Ye, asosele nefya kungulya ati, “Ngu mwina Isilaeli mwinenene, muli ye tamupo ubuchenjeshi!”

Yohane 3:20

Muntu onse uuchita ububi ewapata ukusanika, pantu tafwayapo imilimo yakwe iibi ukuti iboneke kubantu.

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Loma 12:2

Mwiitumpamo mubwikashi bwapanonshi, kuntu lekeni Lesa amupilibule nokumupela ubumi bwabwangu. Elo mwakwishiba ubufwayo bwakwe, ifiweme, ifyalungama nefimusekesha Lesa.

Loma 12:9

Ukutemwa kwenu kube ukwafikapo. Mupate ichibipile, mutemwe ichiweme.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

Loma 2:18

Walishiba ifyo Lesa afwaya ukuti ulokuchita, nakambi walisambilila mu Mafunde ukusala ichilungeme nechibi.

Loma 7:16

Apo nshifwaya ukuchita ifyo nchita, ekwebati ifunde lyaba ilyalungama.

Loma 7:22

Nebo naliba nokusekelela mwifunde lyaku Lesa.

Loma 8:7

Echo ababika imitima yabo pafintu ifyapanonshi fipondo fyaku Lesa. Tabanakilapo Ifunde lyaku Lesa. Nachine tekuti banakilepo.

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

1 Kolinto 10:32

Ubumi bwenu bwilenga Abayuda, abenafyalo nangula ichilonganino chaku Lesa ukubifya.

1 Kolinto 8:13

Echo nga ichakulya chalenga wesu ukubifya, tekutipo ndye inama, ukutina ati ningawisha wesu.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 6:3

Tatubikapo ifyakuyitutulako abantu munshila, ukutina ukwebati umulimo wesu ungasuulwa.

2 Kolinto 8:8

Tefundepo nkososa ulo nkomweba mfi. Ulo nkomweba ifyakuchinchila kwabantu bambi, nkofwaya bwaka ukwishiba nga ukutemwa kwenu kwachine.

Galatiya 5:11

Mwe bawesu kati nkotwalilila ukumusambisha ati tulingile ukushilimunwa, mba nindo nchili mukuchula? Amashiwi ayasosa ifyapamutashi taanganchusha nakambi iyowo nga nkotwalilila ukweba abantu ukuti bashilimunwe.

Efeso 4:15

Ekuti pakusosa ichine nomutima wakutemwa, twakukula pali fyonse muli Klistu. Ye emutwi wesu,

Efeso 5:10

Esheni ukwishiba ifingasekesha Bashikulu.

Efeso 5:27

Alikufwaya ukuti achilete pachinso chakwe ichamuchinshi, ichitakwetepo akalema nangu ifisemba, nangula akantu kambi akali konse akabipisha, kuntu ukuba uwabuta ukufikapo.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Filipi 1:16

Mba abakulekelesha babilisha pamulandu wakutemwa. Pakuba balishiba ukwebati Lesa alimpela umulimo uwakulama Ubutumi Bwawama.

Filipi 1:6

Echo ndishibile ukwebati Lesa uwatatikile umulimo uuweme ngu muli mwe, akutwalila ukufika ukashile pakasuba ulo Klistu Yesu akubwela.

Filipi 2:16

ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

1 Tesalonika 3:13

Echo Bashikulu bakoseleshe ukuti mube abaololoka nababuta ukufikapo kuli Lesa Bata, inshita Bashikulu Yesu Klistu bakwisa pamo nabasalwa babo.

1 Tesalonika 5:21

Lelo mweshe ifintu fyonse. Mulame ifiweme.

1 Tesalonika 5:23

Lesa umwine, uutupela umutende, amulenge ukuba abantu bakwe abenenene. Amulenge abafikapo mumupashi, mumitima nakambi mumibili yenu ukuti mwikaba nakalema ulo bakwisa Bashikulu Yesu Klistu.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

Ukufisulula 2:2

Ye akoti, Imilimo yobe yonse nalishiba. Nalishiba nokupyunga kobe konse nokushipikisha. Nakambi nalishiba ukuti taukutikapo kubantu ababi iyowo. Mbalya abayitunganya ukuba abatumwa, walibesha nokubasanga ababufi.