Efeso 6:9 - Chipangano Chabwangu

⁹ Namwe mwe bashikulu babo mulokubachitila mwenka abasha benu. Mwilokubatinyapo. Mwalishiba ukuti bo pamo namwe mulikwete Bashikulu bamo abali kumulu, Bo abatakwetepo akapatulula.

Efeso 6:9 ပူးပေါင်းရင်းမြစ်များ

Mateyo 22:10

Nachine abapyungi bayile mumisebo nokulonganya pamo bonse bo basangile, ababi nabaweme. Elo nenanda yamutebeto yaliwilemo abantu abenji.

Mateyo 22:8

Elo yasosele kubapyungi bayiko ati, ‘Ubwinga bapekenye kale, nomba abayitilwe tabalingilepo.

Mateyo 24:48

Nomba umupyungi mubi akuyisosha ati, ‘Bashikulu banji bakokola ukubwela.’

Mateyo 24:51

Bashikulu wakwe bakumupuma ukwinekantu. Elo bakumutamfisha kuchifulo ukusangwa abakutumpayika, uko abantu balila nokukwesanya ameno.

Mateyo 7:12

“Fyonse ifyo mukofwaya ukuti abantu bamuchitile, efyo namwebo mulokubachitilako. Pakuti nku ekusambisha kwamafunde akwa Mosesi nabasoseshi.

Luka 6:31

Ifyo mukofwaya abantu ukumuchitila, efyo namwebo mubachitile.

Yohane 13:13

Mwebo mukonjita ati, ‘Musambishi’ nakambi ati, ‘Bashikulu.’ Nachine mukolungika pakuti efyo naba.

Imilimo ya batumwa 10:34

Petulo atatikile ukusosa ati, “Nomba nashininkisha ukuti nachine Lesa takwatapo akapatulula.

Loma 2:11

Pakuba Lesa takwatapo akapatulula.

1 Kolinto 1:2

Tukolembela ichilonganino chaku Lesa ichili ku Kolinto. Lesa alimupatula muli Klistu Yesu nokumwita abantu bakwe, pamo nabo abeta peshina lyaku Bashikulu, konse uko bali. Ye e Shikulu wabo nakambi wesu.

1 Kolinto 7:22

Pakuba umuntu uwali musha ulo bamwitile Bashikulu, ye muntungwa wa Bashikulu. Chimo chine, uwali umuntungwa naye bamwitile, musha waku Klistu.

Kolose 3:25

Pakuti umuntu ubifya naye akakandilwapo pabubi bwakwe pantu Lesa ena takwatapo akapatulula.

Kolose 4:1

Mwe bashikulubo, mulele abasha benu mubune, mubulungami namunshila iiweme pantu mwalishiba ukuti namwebo mwalikwata Bashikulu wenu mumulu.

Yemusi 2:13

Pakuti umuntu uupingula ukwambula inkumbu, Lesa naye akumupingula ukwambula inkumbu. Nomba Ye uukwatila inkumbu, tapapo umulandu wakuti engatinapo ukupingula kwaku Lesa.

Yemusi 2:8

Elo nga mwalama ifunde lyaku Bashikulu ilyalembwa mu Malembo ati, “Ulokutemwa umunobe kubati nimfilya wayitemwa wemwine,” mwachita ichiweme.

Yemusi 5:4

Boneni tamulipilepo abanchito abapyungile mumabala yenu. Umfweni ukulilishika kwabo. Nachine Lesa aumfwa kulila ukwababomfi bakwe, Bashikulu Abafiso fyonse.