Efeso 5:8 - Chipangano Chabwangu

⁸ Namwe kale mwali mumfinshi, kuntu nomba muli mukusanika pakusangwa ukuti muli baku Bashikulu. Nomba mwende nga bantu abayikala mukusanika.

Efeso 5:8 ပူးပေါင်းရင်းမြစ်များ

Mateyo 3:8

Chiteni ifintu ifyakulanga ukupilibuka kwamitima yenu.

Mateyo 4:16

Abantu abayikala mumfishi bakobona ukusanika ukukulu! Bo abayikala muchalo chamfinshi iyamfwa, ukusanika kwakubatulila.”

Luka 1:79

Akubasanikila bonse abayikala mumfinshi namuchintelelwe chamfwa, ukulangilila munshila yabwanalale.”

Luka 16:8

“Mukuchita mfi mubuchenjeshi, wishikulu waku ngulya mupyungi mukulu utachetekelwa alimutotele. Pantu abantu bamuchalo baba abachenjela mubupyungi bwabo ukuchila abantu baku Lesa.”

Yohane 1:9

Nku kwali ekusanika ukwinenene, ukwayisa muchalo nokusanikila abantu bonse.

Yohane 12:35

Yesu abasukile ati, “Ukusanika kuli pali mwebo mukanshita kanini. Endeni mukusanika ulo muchili nako ukuti imfishi iimufimbapo, pakuti uukoyenda mumfinshi teshibapo uko akoya.

Yohane 12:36

Chetekeleni mukusanika ulo muchili nako ukuti mwise mube abantu bakusanika.” Ulo Yesu asosele mfi alifuminepo nokuyifisa.

Yohane 12:46

Nayisa muchalo ukuba ukusanika, ukuti onse uukochetekela muli nebo eyikalilila mumfinshi.

Yohane 8:12

Panuma Yesu asosele ku Bafalisi ati, “Nine kusanika ukusanikila bantu bamuchalo. Onse uwakunkonka akwisa kuba nokusanika ukwabumi, nakambi tayise kwendapo mumfinshi iyowo.”

Imilimo ya batumwa 17:30

Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 1:21

Nachine Lesa balimwishibile, kuntu tabamupelako umuchinshi nangu ukumutotela. Elo mumalangulushi abo tamupo ifyamano. Bayiwula nemfimfi, echo balanguluka ifyabwaka.

Loma 13:12

Nomba ubushiku buli mupepi ukushila nakasuba kakusanika. Nomba katuleke imilimo yamumfishi, elo tupinte ifyankondo ifyamukasuba.

Loma 2:19

Walishininkisha wemwine ukuti uli ntungulushi yampofu nokusanika kuli bo abali mumfinshi,

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

2 Kolinto 6:14

Mwilokwikatanapo nabatachetekela. Napo ubulungami bungaba shani pamo nobubi? Napo ukusanika kungaba shani pamo nemfishi?

Galatiya 5:25

Nga chakuti Umupashi Wabuta ewatupela ubumi, kanshi ewulingile ukututungulula.

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Efeso 4:18

Elo amano abo ali mumfinshi pamulandu imitwi yabo ilikosele ndi mukuteshiba Lesa. Bafutatila ubumi ubo Lesa apela.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Kolose 1:12

Echo nkolomba ukuti mulokutotela Lesa Bata, uwamulenga ukuba abalinga ukukwatako ifintu Lesa amubikila mubufumu bwakusanika.

Kolose 1:13

Pakuba ewatupokololako kufiso fyamfishi nokutuleta mubufumu bwa Mwana wakwe uwatemwekwa.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.