Efeso 5:16 - Chipangano Chabwangu

¹⁶ Mube abachinchila ukwebati mwiposapo inshita yenu pafyabwaka, pakuti inshita njino iibipile.

Efeso 5:16 ပူးပေါင်းရင်းမြစ်များ

Mateyo 25:17

Uwapelwe amakana abili naye alishifungashenye, kasangamo nashimbi amakana abili.

Yohane 12:35

Yesu abasukile ati, “Ukusanika kuli pali mwebo mukanshita kanini. Endeni mukusanika ulo muchili nako ukuti imfishi iimufimbapo, pakuti uukoyenda mumfinshi teshibapo uko akoya.

Loma 13:11

Echo mulokuchita mfi pakuti mulishibile ukuti inshita yakubuka mutulo ilifikile. Nachine, inshita iyakupuluka kwesu ilipalamine ukuchila ifyo chali ulo twachetekele.

1 Kolinto 7:26

Pamulandu wamachushi aaliko nshino nshiku, nkolanguluka ukuti umuntu ekale fyenka ifyo ali.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

Efeso 6:13

Echo fwaleni ifyanso fyonse ifyaku Lesa. Ulo akasuba akabi kakwisa, mwakuchimfya, pakupelako mwakwimakana ndi.

Efeso 6:15

Ukufwayilisha kwenu ukubilisha Ubutumi Bwawama kube kubati ninkwanda kumakasa enu.

Kolose 4:5

Muchenjela mufintu mukochita kubantu bakunse. Mubomfye bwino inshita shonse isho mukoshukila.