Efeso 4:9 - Chipangano Chabwangu

⁹ Mba ishiwi ilyakuti, “akwelele” likoyalula ndo? Ekwebati pakutatika ayikile pesamba iline lyachalo.

Efeso 4:9 ပူးပေါင်းရင်းမြစ်များ

Mateyo 12:40

Fyenka ifyo Yona ali mumala answi iikulu inshiku shitatu, akasuba nobushiku, efyo no Mwana wa Muntu akuba munda yachalo inshiku shitatu.

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Yohane 3:13

Elo takupo umuntu uwanina kumulu, kuntu Umwana wa Muntu, uyo uwafumineko.”

Yohane 6:33

Pakuti umufuba waku Lesa, ningulya uwayika kumulu ukwisa kupela ubumi bwakwe kuchalo.”

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Yohane 6:41

Ulo baumfwile mfi abakulu ba Bayuda batatikile ukuyilishanya pamulandu wamashiwi awo Yesu asosele ati, “Nine mufuba wafuma kumulu.”

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 6:58

Ngu emufuba uwafuma kumulu, taulipo ukubati mufuba uwo ifikolwe fyenu fyalile, elo fyalifwile. Uyo onse uwakulya ngu mufuba akuba nobumi butashila.”

Yohane 6:62

Nga chingaba shani ukubona Umwana wa Muntu akobwelela kumulu uko afumine?

Yohane 8:14

Yesu alibasukile ati, “Nangu kati nkoyisosela ifyanji nemwine, bukamboni bwanji bwakwebesha pantu nalishiba uko nafuma nakambi noko nkoya. Nomba mwebo tamwishibilepo uko nafuma noko nkoya.

Hebele 2:7

Pakanshita kanini mwalimuchefeshe kubangelo, kuntu nomba mwamuchinshika nokumupela ubufumu.

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.