Efeso 4:6 - Chipangano Chabwangu

⁶ Paba Lesa umo uuli ni Wishi wabantu bonse. Ye aba pamulu pali bonse, abombela ukupitila muli bonse, nakambi ali muli bonse.

Efeso 4:6 ပူးပေါင်းရင်းမြစ်များ

Mateyo 6:13

Mwitulekelesha mukwesheka, kuntu mutupokeko kumubi.’

Mateyo 6:9

Echo mwebo mulokulomba ati, ‘Banshifwe bakumulu, ishina lyenu lichinshikwe.

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Loma 11:36

Pakuti ifintu fyonse ni Lesa uwafilengele nakambi eufisunga fyonse. Echo fyonse epofili pamulandu wakwe. Tutondayishe Lesa inshiku shonse. Ameni!

1 Kolinto 12:6

Pali ifiso ifyapusana-pusana, nomba Lesa umo enka uubomfya ifiso mfi mubantu bonse.

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

Efeso 1:21

Amubikile peulu iyabutungulushi bonse, abansambu, abafiso nentungulushi. Alatungulula pafintu fyonse muli nchino chalo, elo akutungulula namuchalo chakuntanshi.

Efeso 2:22

Muli Ye namwebo mukoyimakwa pamo nabambi bonse ukuti mube inanda yakwikalamo Lesa mu Mupashi Wabuta.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Efeso 6:23

Lesa Bata na Bashikulu Yesu Klistu bapele bawesu bonse umutende, ukutemwa nechichetekelo.

1 Yohane 3:24

Umuntu onse uulama amafunde yakwe ayikala muli Klistu naena muli Ye. Tulishibile ukuti Klistu ayikala muli fwebo pantu alitupa Umupashi Wabuta.