Efeso 4:4 - Chipangano Chabwangu

⁴ Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Efeso 4:4 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Imilimo ya batumwa 15:11

Iyowo bamfumu, tefyopo! Tulachetekela ukuti ubwanshi bwaku Bashikulu Yesu ebutupulusha ukubati nibo.”

Loma 11:29

Pakuti Lesa taulula malangulushi akwe ulo asala nokushukisha umuntu.

1 Kolinto 10:17

Pakuba umufuba umo bwaka. Nangu fwebo tuli abenji, twaba umubili umo pantu tulya kumufuba umo.

1 Kolinto 12:20

Kanshi ifilewa fyaba ifinji, nomba umubili umo bwaka.

2 Kolinto 11:4

Nga umbi ayisa kubilisha Yesu umbi uwapusana nangulya twabilishe, mwebo mulakonka. Elo mulapokelela umupashi nobutumi bumbi ubwapusana no Mupashi Wabuta no Butumi Bwawama ubo mwapokelele kuli fwe!

Efeso 1:18

Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.

Efeso 2:16

Klistu alifwile pamutashi ukuti onaule ulupato nokubika pamo imitundu ibili njilya ukuba umubili umo. Elo pamutashi penka awikishenye imitundu njilya kuli Lesa.

Efeso 2:18

Pakuti muli Klistu fwebo bonse, Abayuda nabenafyalo, twingafika kuli Bata mu Mupashi Wabuta umo epela.

Efeso 2:22

Muli Ye namwebo mukoyimakwa pamo nabambi bonse ukuti mube inanda yakwikalamo Lesa mu Mupashi Wabuta.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Efeso 5:30

Pakuba fwebo tuli ifilewa fyamubili wakwe.)

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

1 Timoti 1:1

Nine Paulo umutumwa waku Klistu, nga mfilya asosele Lesa, Umupulushi wesu namuli Klistu uutupela ukulolela kwesu.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Taitasi 3:7

Lesa alichitile mfi ukwebati mubwanshi bwakwe, utulungamike pamenso yakwe. Elo twakupokelela ubumi butapwa ubo tulindilila.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.