Efeso 4:30 - Chipangano Chabwangu

³⁰ Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.

Efeso 4:30 ပူးပေါင်းရင်းမြစ်များ

Maliko 3:5

Epo atile ukubachenchenta nobukali, ichikonko chalimwikete pamulandu wakutomfwa kwabo, elo asosele kuli ngulya muntu ati, “Tambulula ukuboko kobe.” Naye alikutambulwile, elo kwalipolele.

Luka 21:28

Ulo mfi fyakuchitika imakaneni, musansule imitwi yenu pakuti ukupuluka kwenu kwafika apepi.”

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Imilimo ya batumwa 7:51

Elo Sitefano asosele ati, “Mwe bachitomfwa! Mwe bankoma amatwi, mwe batomfwa mashiwi aku Lesa! Muli ukubati fikolwe fyenu, mulakana Umupashi Wabuta.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Loma 8:23

Te fibumbwapo fyenka ifikochula mfi, kuntu nafwebo abakwata Umupashi Wabuta wabafye chabupe ichakubalapo ichaku Lesa, tulomfwa ukufinya muli fwe ukwinekantu. Inshita yonse tukolindila ukuti Lesa atupulushe nokutupokelela nga abana bakwe.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 15:54

Ulo umubili uwingabola wakufwala uutangabolapo, penkapo fyakufikilishiwa ifyo Amalembo asosa ati, “Imfwa yachimfiwa ukufikapo!”

1 Tesalonika 5:19

Mwilokukanyapo umulimo waku Mupashi Wabuta.

Hebele 10:29

Mba chakuba shani kumuntu uupontela Umwana waku Lesa, uusula umulopa wa chipangano chaku Lesa ichimuwamisha kumabifyo akwe, uutuka Umupashi Wabuta uutupele ubwanshi? Ukukandwa kwamuntu ngu kwakubipisha ukwinekantu.

Hebele 3:10

Pamulandu ngu nalibakalipile, nokusosa kuli bo ati, ‘Inshita shonse imitima yabo ilalubana, elo tabafwayapo ukusambilila ishila shanji.’

Hebele 3:17

Nakambi nibani abakalifishe Lesa umutima pamyaka amakumi ane? Napo tembalya ababifishe nokufwa.