Efeso 4:2 - Chipangano Chabwangu

² Mulokuba abaichefya, abankumbu nakambi abashipikisha inshita shonse. Munakililane mukutemwa.

Efeso 4:2 ပူးပေါင်းရင်းမြစ်များ

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Maliko 9:19

Yesu alibasukile ati, “Mwe bantu batachetekela! Kanshi mukofwaya njikale nenu inshita yalepa shani? Nkoshipikisha nenu inshita yalepa shani? Temulandupo, muleteni umulumbwana kuli nebo!”

Imilimo ya batumwa 20:19

Nalikupyungila Bashikulu mukuyichefya konse neminsoshi, namachushi alikumponena kumulandu wamapange Abayuda.

Loma 15:1

Nomba fwebo abakosa muchichetekelo tulingile ukwafwilisha abanaka. Twiisekeshapo fwenka.

1 Kolinto 13:7

Ukutemwa kulelela fyonse, kulachetekela inshita shonse, kulalindilila, elo kulashipikisha.

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Kolose 1:11

Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

2 Timoti 2:25

Uwafuka pakulungika abakomutalika. Nalimo Lesa kuti abapela inshita yakuti balapile nokwishiba chine.

Yemusi 1:21

Kanshi lekeni inshila shonse ishabusali nobubi ubwayisula muli mwebo. Pokeleleni mukuyichefya Amashiwi aku Lesa ayabyalilwe mumitima yenu ayo angamupulusha.

1 Petulo 3:15

Nomba mumitima yenu muchinshike Klistu pakuti ni Shikulu wenu. Mube abayipekanya inshita yonse ukwasuka mubufuke namumuchinshi abantu abamufumba ukulindilila kwenu.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.