Efeso 4:11 - Chipangano Chabwangu

¹¹ Eye uwapele ifyabupe kubantu. Apele bambi ukuti babe abatumwa, bambi abasoseshi, bambi bakabilisha, bambi bachembela nabasambishi.

Efeso 4:11 ပူးပေါင်းရင်းမြစ်များ

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Imilimo ya batumwa 13:1

Muchilonganino ichaku Antiyoki mwalipo abasoseshi baku Lesa nabasambishi bambi. Mba niba Banabasi na Simyoni (uwalikwitwa Chifita), Lusiyasi (uwaku Kuleni) Manayeni (uwalelelwe pamo nemfumu Helodi) na Saulo.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 21:8

Pakasuba kakonkelepo twalimakene nokuyafika kumushi wa Kayisaleya. Elo twayinjile munanda yakwa kashimika uwitwa Filipo, uwo twayikele nakwe. Ali umo uwabalalume basano na babili abasalilwe mu Yelusalemu.

Loma 12:7

Nga bwakupyunga katupyunge. Nga bwakusambisha, katusambishe.

1 Kolinto 12:4

Pali ifyabupe ifyapusana-pusana, nomba uufipela Mupashi Wabuta umo enka.

Efeso 2:20

Mwalimakwa pamufula uwapangilwe kubatumwa nabasoseshi. Elo Klistu Yesu umwine ebwe lyapachimfuntu.

Efeso 3:5

Ubumfisolo mbu tabwayishibilwepo nabakale kubati ifyo Lesa afisulula nomba mu Mupashi Wabuta kubatumwa nabasoseshi bakwe ababuta.

Efeso 4:8

Kubati ifyo Amalembo asosa ati, “Ulo akwelele kumulu, apintile abafungwa abenji, elo apele ifyabupe kubantu.”

2 Timoti 4:5

Nomba webo uyilame inshita shonse. Shipikisha mukuchula. Ulokushimika Ubutumi Bwawama nokupyunga bwino imilimo yobe yonse.

Hebele 5:12

Nangula inshita iyakuti mwatatika ukusambisha bambi ikumene, kuntu chikofwayika ukuti umbi amusambishe ifyakutatika amashiwi aku Lesa. Mulingile ukupelwa umukaka muchifulo chakulya ifikosele.

Yuda 1:17

Nomba mwebo, mwe batemwekwa, ibukisheni amashiwi awo abatumwa baku Bashikulu wesu Yesu Klistu bamwebele kale

Ukufisulula 18:20

Ulokusekelela wemulu pamulandu wakonaulwa kwauko! Sekeleni mwe bantu baku Lesa, abatumwa nabasoseshi bonse pakuti Lesa nomba awonaula ngu mushi pamulandu wamfilya wachitile kuli mwebo!

Ukufisulula 21:14

Ichibumba chamusumba ngu chayimekwe pamifulwa yamabwe ikumi na abili apo apalembelwepo amashina yabatumwa ikumi na babili abaku Mwana wambelele.