Efeso 4:10 - Chipangano Chabwangu

¹⁰ Uyo uwayikile panshi eumo enka uwakwelele ukupitilila kumulu konse ukwebati ifintu fyonse fiule na Ye.

Efeso 4:10 ပူးပေါင်းရင်းမြစ်များ

Mateyo 24:34

Nachine nkomweba ati, abantu banjino nkulo pakufwa sembi mfi fintu fyonse fikabale fikachitike.

Luka 24:44

Elo asosele kuli bo ati, “Mfi efyo namwebele ulo nali nenu. Fyonse ifyalembwa ifyaku nebo mu Mafunde, nefyalembwa nabasoseshi, nefya Malumbo fyakwisa kuchitika.”

Yohane 1:16

Mubwanshi bwakwe ubukulu fwebo tulapokelela ishuko mufinji.

Yohane 19:24

Elo abashilikali balisoshenye umo nomunakwe bati, “Mwilepulapo, kuntu tuchite bumwine-mano ukwebati twishibe uwakupoka ninani.” Nchi chalichitikile ukuti Amalembo afikilishiwe akoti, “Balyabene ifyakufwala fyanji, nokuchita bumwine-mano pamwinjila wanji.” Efyo bachitile abashilikali.

Yohane 19:28

Panuma ya mfi, Yesu alishibile ukuti fintu fyonse fyapwa, asosele ati, “Ndi nechilaka.” (Asosele mfi ukuti Amalembo afikilishiwe.)

Yohane 19:36

Mfi fyalichitikilwe ukuti Amalembo afikilishiwe aakuti, “Talyayise kutobekapo ifupa lyakwe nangu limo iyowo.”

Imilimo ya batumwa 1:11

Abalalume mba basosele ati, “Mwebo mwe bena Galili, Nindo mwimakanine mpano nokulolesha kumulu? Ngu Yesu uwapintwa kumulu ukufuma apo muli, akubwela nakambi kubati fintu mwamubona akoya kumulu.”

Imilimo ya batumwa 1:9

Ulo Yesu ashilile ukusosa mfi, apintilwe kumulu nabakusambila bakololesha ukufikila ulo ikumbi lyamufishile.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Imilimo ya batumwa 3:18

Ukuba enshila nji iyo Lesa apekenye ukufikilisha ifyo asosele ukupitila mubasoseshi bonse ukuti Klistu wakwe alinokuchula.

2 Kolinto 12:2

Ndishibile umwalalume umo umwina Klistu uwo bapintile kumulu. Palipitile imyaka ikumi na ine ulo mfi fyachitikile. (Tanshishibilepo kati mfi fyachitikile ulo ali mumubili wakwe nangula kuchimonwa. Lesa ewishibile.)

Efeso 3:19

Nkolomba ukuti mwishibe ukutemwa nkulya ukwaku Klistu ukutangeshibikwa ukufikapo ukwebati mwiulemo nobumi ubwaku Lesa umwine ukufikapo.

Kolose 1:19

Bufwayo bwaku Lesa ukuti mu Mwana emo bulesa bwakwe bonse bwikale.

Kolose 2:9

Pakuba mumubili waku Klistu emwayikala bulesa bonse.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Hebele 4:14

Nomba katwikatishe ichichetekelo icho twasumina. Pakuti tuli nakwe Chipupila Mukulu uwachilapo, Ye uwayinjile kumulu kwine kuli Lesa. Ngu ni Yesu Umwana waku Lesa.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.

Hebele 8:1

Amashiwi ayanenene ayamfyo tukososapo yakuti tuli nakwe Chipupila Mukulu uwaba mfi, uwikala kukuboko kwamulyo kwamupando uwabufumu bwaku Lesa Uwamuchinshi mumulu.