Efeso 3:9 - Chipangano Chabwangu

⁹ Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.

Efeso 3:9 ပူးပေါင်းရင်းမြစ်များ

Mateyo 10:27

Icho nkomweba mumfishi, mukachisosele pakasuba, nanchilya mukoumfwa mukantepe-ntepe fyakumfwikila pamulu wamutenje wamananda.

Mateyo 13:35

Achitile mfi mukufikilisha ifyasosele umusoseshi ati, “Nakusambishisha mufyelusho, nakumulondolwela ifintu ifitayishibikwa ukufuma pakutatika kwachalo.”

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Luka 24:47

Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.

Yohane 10:30

Bata nandibo twaba umo bwaka.”

Yohane 5:17

Yesu alibasukile ati, “Bata babomba imilimo inshita shonse, epo nandibo ningile ukuchitila mumo mwenka.”

Yohane 5:19

Yesu alibasukile abakulu ba Bayuda ati, “Nachine nkomweba ati, Umwana tachitapo kantu nangu kamo apaenka. Ye achita fyonse ifyo abona Bawishi bachita. Pakuti yonse imilimo achita Wishi, no Mwana naye alachita yenka njilya.

Imilimo ya batumwa 15:18

Efyo Bashikulu Lesa bakososa, abafisulwile mfi ukufuma nakukale.’”

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

1 Kolinto 2:7

Umulangwe uwo tusosa waku Lesa, uwamubumfishi, uwafisama ukufuma kubantu. Lesa talatala ichalo, apekenye kabela ukuti atupele ubuleme.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 3:2

Mwalyumfwile ukuti Lesa alimpele umulimo wakubilisha kuli mwebo ifyabwanshi bwakwe.

Efeso 6:19

Munombeleko nandibo ukwebati Lesa ampele amashiwi ulo nkobilisha kubantu ishamubumfisolo ifya Batumi Bwawama ukwambula umwenso.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:26

Amashiwi ngalya aafishilwe kunkulo shonse, nomba Lesa aafisulwila kubantu bakwe.

Kolose 3:3

Pakuba mwebo mwalifwa, nobumi bwenu bwalisungwa pamo na Klistu muli Lesa.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

1 Petulo 1:20

Lesa alimusalile kabela ukuti akapyunge umulimo ngu talatala ichalo. Nomba inshita njino yakumupwilo aliibwenesha kuli mwe pamulandu wenu.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 14:6

Panuma nalibwene umungelo umbi akopupuka mulwelele. Alikwete Ubutumi Bwawama ubutapwa ukuti abilishe kubekala chalo, kubantu abamutundu onse, abamikowa yonse, abamilaka yonse, nabamishobo yonse.

Ukufisulula 17:8

Ichiswango icho wabona, inshita imbi chali ichabumi, kuntu nomba tachikwetepo ubumi. Chili mupepi nokufuma muchilindi ichitapelapo ukuti chikonaulwe. Abantu bonse abekala pachalo abakwete amashina atalembelwepo mwibuku ilyabumi ukufuma ukutatika kwachalo, bakushimbwa pakubona ichiswango nchi. Chali nobumi, kuntu nomba tachikwetepo. Nangu chibe mfi, chakwisa kuboneka nakambi.

Ukufisulula 4:11

“Bashikulu Lesa wesu, nimwebo mulingile ukupelwa ubuleme, umuchinshi nefiso, pakuti nimwe mwabumbile ifintu fyonse. Pamulandu wakufwaya kwenu, fyonse fyalilengwa nakambi epo fichili.”