Efeso 3:4 - Chipangano Chabwangu

⁴ Ulo mukopenda mfi, mwakwishiba ukuti ndomfwikisha ichabumfisolo ichaku Klistu.)

Efeso 3:4 ပူးပေါင်းရင်းမြစ်များ

Mateyo 13:11

Elo naye abasukile ati, “Kuli mwebo kwalipelwa ukwishiba ifyamubumfisolo ifyabufumu bwakumulu, nomba bo tabapelwapo iyowo.

Luka 8:10

Yesu abasukile ati, “Kuli mwebo kwapelwa ifyamfiso ifyabufumu bwaku Lesa, ekuti kuli bambi nimufyelusho. Ukuti ukubona balikubona nomba tabalokubweneshapo, nokumfwa balikumfwa nomba tabalokumfwishapo.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

1 Kolinto 13:2

Nangu ndi nechabupe ichakusambisha, nangu nalishiba ifyamubumfisolo fyonse, nokumfwikisha fyonse, nangu ningakwata ichichetekelo ichakusesha impili, nomba nga nshikwetepo ukutemwa, tanshipo kantu.

1 Kolinto 4:1

Mwebo mulingile ukutubona nga bapyungi baku Klistu abasontwa ukwangalila ifyafisama fyaku Lesa.

2 Kolinto 11:6

Nangu tekuti njishibe bwino kubati nimfilya bachita, kuntu temumanopo iyowo. Mfi twalimubweneshe munshila ishinji muli fyonse.

Efeso 1:9

Lesa alitufisulwila ubufwayo bwakwe afishile ubo apingile ukuchita muli Klistu.

Efeso 3:3

Alimfisulwile ifyabumfishi bwakwe. (Ukubati nimfilya namulembele mukwipifya bwaka.

Efeso 3:9

Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.

Efeso 5:32

Amashiwi nga akotufisulila ichamubumfishi ichafisamisha. Elo nkoti ichamubumfishi nchi chisosa ifyaku Klistu nechilonganino.

Efeso 6:19

Munombeleko nandibo ukwebati Lesa ampele amashiwi ulo nkobilisha kubantu ishamubumfisolo ifya Batumi Bwawama ukwambula umwenso.

Kolose 1:26

Amashiwi ngalya aafishilwe kunkulo shonse, nomba Lesa aafisulwila kubantu bakwe.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

1 Timoti 3:9

Nomba balingile ukuba abaololoka ukwambula ukutwishika mukuchetekela ifyo Lesa afisulwile.