Efeso 3:3 - Chipangano Chabwangu

³ Alimfisulwile ifyabumfishi bwakwe. (Ukubati nimfilya namulembele mukwipifya bwaka.

Efeso 3:3 ပူးပေါင်းရင်းမြစ်များ

Imilimo ya batumwa 22:17

“Nomba nabwelele ku Yelusalemu. Ulo nalikulomba munanda yaku Lesa, nabwene ichibonwa.

Imilimo ya batumwa 22:21

Elo Bashikulu banjebele ati, ‘Koya bwaka, pakuba nkokutuma ukutali kubenafyalo.’”

Imilimo ya batumwa 23:9

Elo ukutalikana kwalipitilile. Penkapo abasambishi ba Mafunde akwa Mosesi, abali mwibumba lya Bafalisi, batatikile ukutalika nefiso. Basosele ati, “Fwebo tatubwenepo ububi nangu bumo muli ngu muntu! Nalimo mupashi nangula umungelo umbi alilabile kuli ye!”

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

2 Kolinto 12:1

Ningile ukuyitutumuna, nangu nshikononkamo kantu. Nakusosa ifimonwa ifyo Bashikulu banangile nefyo bamfisulwile.

Galatiya 1:12

Nshapelwepo nangula ukusambilishiwa kumuntu iyowo. Yesu Klistu ewabufisulwile kuli nebo.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

Efeso 3:4

Ulo mukopenda mfi, mwakwishiba ukuti ndomfwikisha ichabumfisolo ichaku Klistu.)

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Efeso 3:9

Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.

Efeso 6:19

Munombeleko nandibo ukwebati Lesa ampele amashiwi ulo nkobilisha kubantu ishamubumfisolo ifya Batumi Bwawama ukwambula umwenso.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

Hebele 13:22

Nkomupapata mwe bawesu, mulokumfwilako amashiwi nga ayakukoselesha pakuti ndilembele mubwipi.

1 Petulo 5:12

Nalemba kalata nji iipi mukwafwilishiwa na Siluvanasi, wesu uwachetekelwa. Nkofwaya ukumukoselesha nokupela bukamboni ukwebati mbu ebwanshi bwaku Lesa. Mwimakane ndi mubwanshi mbu.

2 Petulo 3:15

Mwishibe ukwebati Lesa akoteka umutima pantu akofwaya ukumupulusha. Echo naye Paulo, wesu watemwekwa, amulembele mfi nomulangwe uwo Lesa amupele.