Efeso 3:16 - Chipangano Chabwangu

¹⁶ Nkolomba Lesa ukuti mubuleme bwakwe ubukulu, mu Mupashi wakwe Wabuta akoshe ubumi bwenu ubwabwangu.

Efeso 3:16 ပူးပေါင်းရင်းမြစ်များ

Mateyo 6:13

Mwitulekelesha mukwesheka, kuntu mutupokeko kumubi.’

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

Loma 7:22

Nebo naliba nokusekelela mwifunde lyaku Lesa.

Loma 9:23

Elo nakambi afwayile ukubonesha ubuleme bwakwe ubukulu kuli fwebo abo akwatile ichisa nokutupekanishisha limo mbu bulume.

1 Kolinto 16:13

Mulokuba abayibukila, abakosa muchichetekelo. Koseni elo mube abafiso.

2 Kolinto 12:9

Nomba bo banjebele ati, “Ubwanshi bwanji ebo ukokabila, pakuba ifiso fyanji fikulu ulo uli wanaka.” Echo nayitutumuna mubunake bwanji ukwebati ifiso fyaku Klistu fikale muli ne.

2 Kolinto 4:16

Echo tatutomposha umutima. Nangu imibili yesu ikoba yanaka, nomba mumitima yesu tukopokelela ifiso fyabwangu akasuba nakasuba.

Efeso 1:18

Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Efeso 3:15

ukufuma umukowa uuli onse uwakumulu nowapanonshi onse uwapokelela ishina lyabo ilinenene.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 6:10

Pakupelako nkoti, koseni muli Bashikulu, namufiso fyabo ifikulu.

Filipi 4:13

Ningachita ichili chonse pakuti Klistu eumpela ifiso.

Filipi 4:19

Lesa wanji ali nobuboni ubwinji. Elo muli Klistu Yesu akumupela fyonse ifyo mukabila.

Kolose 1:11

Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.

Hebele 11:34

Balishimishe ubukali bwachimbili-mbili chamulilo, balipulukile kumwele. Bali abanaka, kuntu balipokelele ifiso. Balikwete ifiso munkondo. Elo abashilikali abafumine kufyalo fimbi balibatamfishe.

1 Petulo 3:4

Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.