Efeso 3:1 - Chipangano Chabwangu

¹ Nipamulandu ngu nebo ne Paulo umufungwa pamulandu waku Klistu Yesu nati mupyungile mwe benafyalo.

Efeso 3:1 ပူးပေါင်းရင်းမြစ်များ

Luka 21:12

Ulo mfi fyonse, fitalachitika, bakumwikata nokumuchusha. Elo bakumutwala mukupingulwa mumananda akulombelamo Lesa, nokumuposa muchifungo. Bakumutwala kuli bakateka nabapingushi pamulandu wanji.

Imilimo ya batumwa 21:33

Penkapo umukulu wabashilikali ayile kuli Paulo nokumwikata. Elo amukakile iminyololo ibili. Nomba umukulu ngulya afumbile ati, “Ngoyu muntu ninani, nakambi chindo achitile?”

Imilimo ya batumwa 23:18

Naye umushilikali apintile umulumbwana ngu nokumutwala kumukulu wabashilikali. Ulo afikile asosele ati, “Paulo, ngulya umufungwa, ayisa kunjita nokumpapatila ukuleta ngu mulumbwana kuli mwebo pakuti alikwete amashiwi akumwebako.”

Imilimo ya batumwa 26:29

Elo Paulo amwasukile ati, “Nangu ibe inshita iinini nangu iitali, ukulomba kwanji kwakuli Lesa ukuti mwebo, pamo nabonse abakonkutika pakasuba kalelo, babe kubati nimfino ndi ukufumyako bwaka ukukakwa iminyololo nji isho ndi nasho!”

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

2 Kolinto 1:6

Nga tukochula, nimukuti mwe musangemo ubwafwilisho nokupuluka. Nga atwafwilisha fwebo, nimukuti namwe musangemo ubwafwilisho nokupokelela ifiso ifyakushipikisha ulo mukoumfwa ukufinya mufyo tukopitamo.

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

Galatiya 5:11

Mwe bawesu kati nkotwalilila ukumusambisha ati tulingile ukushilimunwa, mba nindo nchili mukuchula? Amashiwi ayasosa ifyapamutashi taanganchusha nakambi iyowo nga nkotwalilila ukweba abantu ukuti bashilimunwe.

Galatiya 5:2

Umfweni, nebo ne Paulo nkomwebako ati nga mwebo mwasuminisha ukuti mushilimunwe, ekwebati Klistu takoyalulapo akantu kuli mwebo iyowo.

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

Efeso 3:11

Lesa alichitile mfi ukuti nachine fichitike muli Klistu Yesu Bashikulu wesu ifyo asosele kale inshita tayilatatika.

Efeso 3:13

Echo nkomupapata ukwebati mwinakapo imitima pamulandu wakuti nkomuchulila. Pakuba nku kuchula buchindami bwenu.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Efeso 6:20

Nangu ndimuchifungo, kuntu ndimutumwa wa Butumi Bwawama mbu. Munombele ukuti nsose mukushipa nga umo ningile ukusosa.

Filipi 1:7

Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

Kolose 4:18

Nine Paulo nalemba nokuboko kwanji nkoti, Mutende. Mulokwibukisha ukuti nalikakwa. Ubwanshi bwaku Lesa bube kuli mwebo bonse.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

2 Timoti 1:16

Bashikulu bakwatile inkumbu ulupwa lwa Onesifolasi, pakuti inshita ishinji alensansamusha. Tabelepo nanebo insoni nangu nali muchifungo.

2 Timoti 1:8

Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.

Filimoni 1:1

Nine Paulo umufungwa pamulandu waku Yesu Klistu. Tuli na Timoti wesu. Twalembela webo Filimoni we mutemwekwa nomupyungi munesu muli Klistu,

Filimoni 1:23

Epafulasi, uwo tuli nakwe muchifungo pamulandu waku Yesu Klistu, akuposha umutende.

Filimoni 1:9

Nomba pamulandu wakukutemwa echalenga ukwebati nkupapatile bwaka, nebo ne Paulo umukote, nakambi ne uli muchifungo pamulandu waku Klistu Yesu.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.