Efeso 2:3 - Chipangano Chabwangu

³ Panshita njilya yenka nafwebo bonse twali nobumi ubwabuntunse. Twalikukonkelela ulunkumbwa lwamikalile yesu iyakutemwa ifyabipa. Twalikuchita ifili fyonse ifyo twalikufwaya. Echo, muchifyalilwa chesu, twalilingile ukupokelela ubukali bwaku Lesa nga abantu bambi bonse.

Efeso 2:3 ပူးပေါင်းရင်းမြစ်များ

Maliko 4:19

kuntu pamulandu wamasakamiko amikalile yamuno chalo, nolunkumbwa lwabusambashi, ulunkumbwa lwafintu fimbi, fikoyinjilamo nokufininkisha amashiwi, epo tabatwalapo ifitwalo.

Yohane 1:13

Ukuba abana baku Lesa takwafuminepo kubafyashi babo, nangula mukufwaya kwamuntu iyowo, kuntu bafyelwe mufiso fyaku Lesa.

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Imilimo ya batumwa 14:16

Mumyaka yakale Lesa alekele imitundu yonse ukulomba umo balikufwayila.

Loma 1:24

Echo Lesa abalekele mbalya bantu ukuchita ifibi ifyalikufwaya imitima yabo. Elo amalangulushi abo aakowele alengele ukuti bachite ifyamwansha nsoni nemibili yabo.

Loma 11:30

Akale mwe abenafyalo tamwalikumfwilapo Lesa. Nomba Lesa amubela ichisa pantu Abaisilaeli tabamunakilepo Lesa.

Loma 13:14

Kamushe ifyabuntunse nefibi fyachiko. Elo Shikulu Yesu Klistu abe ichilwanyo chenu.

Loma 2:14

Abenafyalo tabakwetepo Amafunde, kuntu ulo bachita benka ifisosa Amafunde balabwenesha ukuti bali namafunde mumitima yabo, nangula tabakwetepo amafunde akwa Mosesi.

Loma 5:10

Fwebo twali utupondo utwaku Lesa, kuntu atulengele ifibusa fyakwe pamulandu wamfwa ya Mwana wakwe. Nomba ifi atulengele buchibusa na Lesa, twapulushiwa nobumi bwaku Klistu!

Loma 5:9

Mfi twishibile ati tuli abalungama ukupitila mumfwa yakwe, nachine Klistu akwisa tupulusha kubukali bwaku Lesa.

Loma 6:12

Pamulandu ngu mwileka ububi ukuti butungulule mibili yenu iyo yakwisa kufwa nakambi mwinakilila kukufwaya kwamibili yenu.

Loma 7:18

Pakuti nalishiba ukwebati tamupo ichiweme mubuntunse bwanji iyowo. Pakuba nangu nkofwaya ukuchita ifilungeme, epela ndafilwa ukufichita.

Loma 9:22

Emfi Lesa achita. Nangu afwayile ukubachusha mubukali bwakwe nokubalanga ifiso fyakwe kuntu abakwatile inkumbu. Akwete ukushipikisha pali bo abali nokumfwa ubukali bwakwe.

1 Kolinto 4:7

Mba ninani uwakupele ubukulu pali bambi? Napo fyonse wakwata tafyafumapo bwaka kuli Lesa? Webo wapelwe bwaka, mba kuti wayitutumuna shani kubati tawapelwepo bwaka?

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

Galatiya 3:22

Nomba Amalembo asosa ati ifintu fyonse fili mufiso ifyabubi, ukwebati uyo uuchetekela muli Yesu Klistu apokelele ishuko ilyo Lesa alayile.

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Efeso 4:22

Echo muleke imyendele yenu iyakale, ubumi bwenu mbulya ubwalikonaika pamulandu uwalunkumbwa ulwabufi.

Kolose 1:21

Namwebo kale mwali bwaka ukutali na Lesa, elo mwali utupondo twakwe pafintu fyabipa ifyo mwalikulanguluka nokuchita.

1 Tesalonika 4:13

Mwe bawesu, tukofwaya ukumwebako pali mbalya abafwa ukuti mwilokusakamanapo ukubati nimulya abashikwete ukulolela mukubuka.

1 Tesalonika 5:6

Echo tatufwilepo ukushipula nga mfilya bachita bambi, lelo tufwile ukulola nokwiteyanya.

1 Timoti 6:9

Nomba abantu abafwaya ububoni ubwinji, balawila mukweshekwa nakambi balekatwa kuchitembo ichalunkumbwa ulupusene-pusene ulwabupuba ulo ulubaposa mufibi.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

1 Petulo 1:14

Mwikale nga abana bachumfwila. Mushe imibele iyo mwalikukonka kale mukuteshiba kwenu.

2 Petulo 2:14

Amenso abo abuchende, abatafwayapo ukuleka ukubifya. Bachenjeleka abanaka imitma. Imitima yabo yayiwula bukabundulu. Bantu abalapishiwa.

2 Petulo 2:18

Mba bantu basosa amashiwi ayakuyitutumuna yapuneme aatakwetepo nakantu. Elo mukufunga ifibi ifyabuntunse, balachenjeleka abantu abapulwike bwangu pabanabo abekala mufibi.

1 Yohane 2:16

Fyonse fyamuchalo, ubufwayo bwamubili, ifintu ifyo amenso akumbwa, nafyonse ifilenga abantu ukuyitutumuna panonshi. Takupo pali mfi fyonse ichifuma kuli Bata, kuntu fyonse mfi fyamuno chalo.

1 Yohane 2:8

Nangu chibe mfi, ifunde nkomulembela lyabwangu pantu fyonse likososa fyachitikile muli Yesu nakambi fikochitika muli mwe. Pakuti imfinshi ikoya ikoshila, elo nolubuto ulwine-lwine lwatatika ukusanika.