Efeso 2:22 - Chipangano Chabwangu

²² Muli Ye namwebo mukoyimakwa pamo nabambi bonse ukuti mube inanda yakwikalamo Lesa mu Mupashi Wabuta.

Efeso 2:22 ပူးပေါင်းရင်းမြစ်များ

1 Kolinto 3:16

Napo mwebo tamwishibilepo ati muli inanda yaku Lesa, nokuti Umupashi waku Lesa wikala muli mwe?

1 Yohane 4:16

Nafwe bene twalishiba nokuchetekela ukutemwa akwata muli fwebo. Lesa kutemwa. Umuntu onse uwakwata ukutemwa ali muli Lesa na Lesa muli ye.

1 Yohane 4:13

Tulishibile ukuti tuli muli Lesa na Ye aba muli fwebo pakuti alitupela Umupashi wakwe.

1 Yohane 3:24

Umuntu onse uulama amafunde yakwe ayikala muli Klistu naena muli Ye. Tulishibile ukuti Klistu ayikala muli fwebo pantu alitupa Umupashi Wabuta.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

1 Kolinto 3:9

Pakuba fwebo tuli abapyungi baku Lesa, mwebo muli ibala lyakwe Elo muli nanda yaku Lesa.