Efeso 2:20 - Chipangano Chabwangu

²⁰ Mwalimakwa pamufula uwapangilwe kubatumwa nabasoseshi. Elo Klistu Yesu umwine ebwe lyapachimfuntu.

Efeso 2:20 ပူးပေါင်းရင်းမြစ်များ

Mateyo 16:18

Nomba nkokweba ati, niwe Petulo, elo pachibwe nchi, nkemakapo ulukuta lwanji. Elo nefiso fyamfwa tafyakaluchimfyepo iyowo.

Ukufisulula 21:14

Ichibumba chamusumba ngu chayimekwe pamifulwa yamabwe ikumi na abili apo apalembelwepo amashina yabatumwa ikumi na babili abaku Mwana wambelele.

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

Mateyo 21:42

Elo Yesu abebele ati, “Napo tamwapendapo Mumalembo ukuti, ‘Ibwe ndilya abakwimaka basulile, elyayishile kuba ilinenene ilyapachimfuntu. Kanshi efyo Imfumu yachita! Yangwee, mwandi twashimbwa fwe babonako!’”

Galatiya 2:9

Elo Yemusi, Petulo na Yohane, bantungwe-mpanda bachilonganino, babwene ukuti Lesa mubwanshi bwakwe alimpele ngu mulimo. Elo balitwikete nokuboko ukwamulyo, nebo na Banabasi, ukulanga ukutusuminisha ukuya kubenafyalo, bo ku Bayuda.

Efeso 3:5

Ubumfisolo mbu tabwayishibilwepo nabakale kubati ifyo Lesa afisulula nomba mu Mupashi Wabuta kubatumwa nabasoseshi bakwe ababuta.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

1 Petulo 2:6

Pakuba Amalembo asosa ati, “Boneni nasala ibwe ilyachindama, nalibika mu Sioni nga libwe lyapachimfuntu. Uuchetekela taakoomfwepo insoni.”