Efeso 2:2 - Chipangano Chabwangu

² Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Efeso 2:2 ပူးပေါင်းရင်းမြစ်များ

Mateyo 11:19

Elo Umwana wa Muntu ayishile, alikulya nokunwa. Abantu bonse baebele ati, ‘Boneni ngu muntu! Wakumutoba, nichakolwa nakambi nichibusa wabamisonko nembifi!’ Nomba umulangwe waku Lesa ulaboneka ukuba uwachine kumilimo yauko.”

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Mateyo 13:38

Ibala ndilya echalo, imbuto nshilya ekwebati bantu bamubufumu bwaku Lesa. Ulunsekwe ebantu bamubi ngulya.

Maliko 4:19

kuntu pamulandu wamasakamiko amikalile yamuno chalo, nolunkumbwa lwabusambashi, ulunkumbwa lwafintu fimbi, fikoyinjilamo nokufininkisha amashiwi, epo tabatwalapo ifitwalo.

Luka 16:8

“Mukuchita mfi mubuchenjeshi, wishikulu waku ngulya mupyungi mukulu utachetekelwa alimutotele. Pantu abantu bamuchalo baba abachenjela mubupyungi bwabo ukuchila abantu baku Lesa.”

Luka 22:31

“Simoni! Simoni! Umfwa! Satana asuminishiwa ukuti amweshe mwe bonse, ukupatula ubune ukufuma kububi, ukubati nimfilya umulimi apatula umusungu kuli tiligu.

Yohane 12:31

Nomba enshita yakupingulwa kwabantu banchino chalo, Satana kateka wanchino chalo, akutamfishiwa.

Yohane 13:2

Yesu nabakusambila bakwe bali pakulya umulalilo, Satana ye kale ayinjile mumutima wakwa Yuda Isikaliyoti, mwana waku Simoni, ukuti embule Yesu kubalwani bakwe.

Yohane 13:27

Bwangu-bwangu ulo Yuda abulile umufuba, Satana kayinjila muli ye. Yesu asosele kuli ye ati, “Endesha ukuchita ifyo uli nokuchita!”

Yohane 14:30

Tanshasosepo namwebo inshita iitali, pantu Satana, imfumu ya nchino chalo, ikoyisa. Nomba tayikwetepo ifiso fyakunchila.

Yohane 15:19

Nga mwali abamuchalo, ichalo nga chalimutemenwe ukubati abene. Nomba nebo nalimusalile ukufuma muchalo, tamuli nomba abamuli nchino chalo. Echo ichalo nomba chikomupatila.

Yohane 16:11

Akubashinina pamulandu wabupingushi, pantu Satana, imfumu yabantu ababi abamuchalo, alipingulwa kale.

Yohane 7:7

Elo abantu bapano chalo tekuti bamupatepo. Nomba nebo balinsulile pantu ndabeba ati imilimo yabo iibi.

Yohane 8:23

Nomba Yesu alibasukile ati, “Mwebo muli bapanonshi, kuntu nebo ndiwakumulu. Mwebo muli bamuchalo nchino, kuntu nebo nshili wamuno chalo iyowo.

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Imilimo ya batumwa 19:35

Panuma, umwalalume umo uwali kalemba wamumushi atalalikile ibumba lyabantu. Elo asosele ati, “Mwebo mwe bena Efeso, kanshi ninani uteshibilepo ukuti fwebo abantu abamumushi ngu tulachinshika inanda yakulombelamo lesa wesu Atemisi, umwali ichipashanya chakwe.

Imilimo ya batumwa 5:3

Elo Petulo alimufumbile ati, “Webo Ananiyasi, chindo icho Satana akutunkile mumutima obe ukubepa Umupashi Wabuta pakufisapo indalama shimbi isho wasangile mwibala lyobe?

Loma 12:2

Mwiitumpamo mubwikashi bwapanonshi, kuntu lekeni Lesa amupilibule nokumupela ubumi bwabwangu. Elo mwakwishiba ubufwayo bwakwe, ifiweme, ifyalungama nefimusekesha Lesa.

1 Kolinto 5:10

Nshikososapo ati mwilokumfwanapo nabantu abapanonshi ababulale-lale, bakabundulu, utupondo nangula abakulomba tungosa wakubasa. Nga chali mfi, nga mwalifumine kale panonshi.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Efeso 1:21

Amubikile peulu iyabutungulushi bonse, abansambu, abafiso nentungulushi. Alatungulula pafintu fyonse muli nchino chalo, elo akutungulula namuchalo chakuntanshi.

Efeso 2:11

Mwe abenafyalo langulukeni ifyo mwali kale. Abayuda bayitutumwina pakushilimunwa (ichali kuchitwa kumibili yabo), elo bamwita ukuti abatashilimunwa.

Efeso 2:13

Nomba muli Klistu Yesu, mwebo abali ukutali na Lesa, muli apepi pamulandu wamfwa yaku Klistu.

Efeso 2:3

Panshita njilya yenka nafwebo bonse twali nobumi ubwabuntunse. Twalikukonkelela ulunkumbwa lwamikalile yesu iyakutemwa ifyabipa. Twalikuchita ifili fyonse ifyo twalikufwaya. Echo, muchifyalilwa chesu, twalilingile ukupokelela ubukali bwaku Lesa nga abantu bambi bonse.

Efeso 4:17

Mwishina lyaku Bashikulu nomba nkomweba ati tamulingilepo ukwikala kubati benafyalo. Pakukonka amano yabo ayabwaka.

Efeso 4:22

Echo muleke imyendele yenu iyakale, ubumi bwenu mbulya ubwalikonaika pamulandu uwalunkumbwa ulwabufi.

Efeso 5:6

Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.

Efeso 5:8

Namwe kale mwali mumfinshi, kuntu nomba muli mukusanika pakusangwa ukuti muli baku Bashikulu. Nomba mwende nga bantu abayikala mukusanika.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Kolose 1:21

Namwebo kale mwali bwaka ukutali na Lesa, elo mwali utupondo twakwe pafintu fyabipa ifyo mwalikulanguluka nokuchita.

2 Timoti 4:10

Pakuti Dimasi, pamulandu wakutemwa ifyapanonshi, alinshile nokuya ku Tesalonika. Kileseni ayile ku Galatiya, elo Taitasi ayile ku Dalumatiya.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.

Yemusi 1:7

Umuntu uwamfi elangulukapo ukuti angapokelela ichintu ichili chonse ukufuma kuli Bashikulu iyowo.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Petulo 1:14

Mwikale nga abana bachumfwila. Mushe imibele iyo mwalikukonka kale mukuteshiba kwenu.

1 Petulo 4:3

Pakuba akale mwaposele inshita mukwikala mumichitile iyo abatachetekela Lesa bafwaya ukuchita. Mwalikwenda mubusali, mulunkumbwa ulubi, mubuchakolwa, mubukabundulu, mufitala fyapabwalwa nokulomba tungosa wakubasa utwamuselu.

2 Petulo 2:14

Amenso abo abuchende, abatafwayapo ukuleka ukubifya. Bachenjeleka abanaka imitma. Imitima yabo yayiwula bukabundulu. Bantu abalapishiwa.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.

1 Yohane 4:4

Mwe bana banji muli baku Lesa. Abasoseshi ababufi mwalibachimfya kale pakuti Umupashi uuli muli mwebo uli nefiso ukuchila uwo bakwata abamuno chalo.

1 Yohane 5:19

Twalishiba ukuti fwebo tuli bana baku Lesa, nangu chalo chonse chaba muminwe ya Mubi.

1 Yohane 5:4

Pakuba umwana waku Lesa onse alachimfya ifyamuno chalo. Icho tuchimfishako ifyapanonse chichetekelo.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 13:14

Elo chalibepa abantu bonse abekala pachalo pamulandu wafiso ifikulu ifyo chasuminishiwe ukuchita pachinso chachiswango ichakwamba. Ichiswango nchi chalibebele ukupanga ichipasho ichakuchinshikilamo ichiswango nchilya ichalashiwe umwele, kuntu chali nobumi.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 16:17

Panuma yakwe umungelo walenga basano na babili alitulwile ifyali mumbale yakwe mulwelele. Kwaumfwikilwe ishiwi ilikulu ukufuma pamupando wabufumu uwali munanda yaku Lesa ati, “Kwashila!”

Ukufisulula 20:2

Elo alikwete ichinsoka nchilya, insoka yakale njilya, e Kachenjeleka, Satana, nokumukaka imyaka ikana limo.