Efeso 2:18 - Chipangano Chabwangu

¹⁸ Pakuti muli Klistu fwebo bonse, Abayuda nabenafyalo, twingafika kuli Bata mu Mupashi Wabuta umo epela.

Efeso 2:18 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Yohane 10:7

Nakambi Yesu asosele kuli bo ati, “Nachine nkomweba ati, nine mulyango wambelele.

Yohane 10:9

Nine mulyango. Umuntu onse uwinjilila pali nebo akwisa kupuluka. Akwisa kwinjila mukati nakambi nokufuma nokusanga ichakulya.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

Loma 8:15

Umupashi Wabuta uwo mwapokelele taumulengapo ukuti mube abasha nakambi iyowo, kuntu ukuba abana. Nakambi eulenga ukuti tulokulomba ati, “Abba, Bata.”

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Efeso 3:12

Pakuti tulachetekela muli Klistu, tungashipikisha ukufika kuli Lesa ukwambula umwenso.

Efeso 3:14

Pamulandu wamfi nkofukamina Bata,

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.

Kolose 1:12

Echo nkolomba ukuti mulokutotela Lesa Bata, uwamulenga ukuba abalinga ukukwatako ifintu Lesa amubikila mubufumu bwakusanika.

Hebele 7:19

Pakuti Amafunde akwa Mosesi tayawamishepo umuntu nangu umo, kuntu muchifulo chamafunde nga tuli nokulindilila ukwachilapo. Elo nokulindila nku chichetekelo ichitupalamika kuli Lesa.

Yemusi 3:9

Nikululimi kwenka eko tulumbanishishako Bashikulu na Bata. Elo nolulimi lwenka, tulatipwilako abantu abo Lesa abumbile muchimpasho chakwe.

1 Petulo 1:17

Lesa takwatapo akapatulula. Alapingula chila muntu ukulingana nefyo achitile. Kati mukomwita ati Bata, mupeleni umuchinshi inshita shonse muli abeni panonshi.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

Yuda 1:20

Nomba mwebo mwe bananji, mutwalilileni ukuyimaka mwenka muchichetekelo chenu ichabuta. Lombeni mufiso ifyaku Mupashi Wabuta.