Efeso 2:13 - Chipangano Chabwangu

¹³ Nomba muli Klistu Yesu, mwebo abali ukutali na Lesa, muli apepi pamulandu wamfwa yaku Klistu.

Efeso 2:13 ပူးပေါင်းရင်းမြစ်များ

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Imilimo ya batumwa 15:14

Simoni Petulo alishilile ukusosa mpa ifyo Lesa alangile abenafyalo ukuti alabasakamana ukupitila mukusala bambi abaku bo nokubalenga ukuba abantu bakwe.

Imilimo ya batumwa 2:39

Pakuba nimwe Lesa alayile pamo nabana benu, nabantu bonse ababa ukutali naabo Lesa akwita.

Imilimo ya batumwa 22:21

Elo Bashikulu banjebele ati, ‘Koya bwaka, pakuba nkokutuma ukutali kubenafyalo.’”

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 8:1

Nomba kuli bo abachetekela muli Klistu Yesu takupo umulandu.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Efeso 1:1

Nine Paulo umutumwa waku Klistu Yesu uwasalwa kukufwaya kwaku Lesa. Nkolemba kalata nji kubantu abaku Lesa abali ku Efeso abachetekela muli Klistu Yesu.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

Efeso 2:12

Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Efeso 2:6

Pakusangwa muli Klistu Yesu, Lesa alitubushishe kubafwa pamo nakwe. Elo alitupele ichifulo chamuchinshi kumulu pamo nakwe.

Hebele 9:18

Echo nechipangano chakwamba tachapangilwepo ukwambula umulopa.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.