Efeso 2:11 - Chipangano Chabwangu

¹¹ Mwe abenafyalo langulukeni ifyo mwali kale. Abayuda bayitutumwina pakushilimunwa (ichali kuchitwa kumibili yabo), elo bamwita ukuti abatashilimunwa.

Efeso 2:11 ပူးပေါင်းရင်းမြစ်များ

Mateyo 20:7

Nabo balyasukile bati, ‘Pantu takupo uwakutwinjisha imilimo.’ Naye abebele ati, ‘Kamuya namwe mwibala lyanji mukubomba.’

Loma 11:17

Imisambo imbi yachiti chamaolife yakontokele, elo Lesa alikambatikilepo iyamumpanga muchifulo yachiko. Mwe benafyalo muli kubati misambo iyamumpanga njilya, kuntu nomba mukopokelela ifiso ififuma muchiti chamaolife ichabyalwa, ekwebati ukufuma kubena Isilaeli.

Loma 2:26

Nomba nga umuntu uutashilimunwa akolama Amafunde, napo Lesa tayise kumuloleshapo ukubati ningulya uwashilimunwa?

Loma 2:27

Echo abatashilimunwa abalama Amafunde, ebakwisa kupela umulandu mwe bashilimunwa, elo abakwete na Mafunde, kuntu mukoatoba.

1 Kolinto 12:2

Mwalishiba ati ulo tamulachetekela, mwalikulufyanishiwa munshila shapusana-pusana ukuti mulokulomba tungosa wakubasa ututasosapo.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

Galatiya 2:15

Fwebo tuli Abayuda kukufyalwa, tefwepo abenafyalo abo basosa ati nimbifi iyowo.

Galatiya 6:12

Abantu bonse abakofwaya ukuboneka abaweme pamenso yabantu, bakomukakatisha ukuti mushilimunwe. Icho bafwaya chimo bwaka, ukuti bechushikwapo pamulandu wamutashi waku Klistu.

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Efeso 5:8

Namwe kale mwali mumfinshi, kuntu nomba muli mukusanika pakusangwa ukuti muli baku Bashikulu. Nomba mwende nga bantu abayikala mukusanika.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Kolose 1:21

Namwebo kale mwali bwaka ukutali na Lesa, elo mwali utupondo twakwe pafintu fyabipa ifyo mwalikulanguluka nokuchita.

Kolose 2:11

Mukusankana pamo na Klistu emo mwashilimunwa, tekushilimunwapo kwamubili iyowo, kuntu kwaku Klistu umwine, ukwabamo ukulubuka kufiso fyangu mubili wabuntunse.

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.