Efeso 2:1 - Chipangano Chabwangu

¹ Akale mwebo mwali abafwa pamulandu wakutanakilapo nobubi bwenu.

Efeso 2:1 ပူးပေါင်းရင်းမြစ်များ

Mateyo 8:22

Nomba Yesu alimwasukile ati, “Iyowo, nkonka bwaka. Leka abafwa balokushika abafwa banabo.”

Luka 15:24

Pantu ngu mwana wanji alifwile, kuntu nomba ali uwabumi, alilubile, kuntu nomba asangwa.’ Elo nomba batatikile ukulya nokusekelela.

Luka 15:32

Nomba tulingile ukulya nokusekelela pakuti wenu ngu alifwile, kuntu nomba ali nobumi, alilubile, nomba alisangilwe.’”

Yohane 10:10

Umung’o ena eshila ukwiba, ukwipaya nokonaula. Nomba nebo nalisa ukuti mwise mube nobumi, ubumi ubwinenene.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

2 Kolinto 5:14

Chitemweko chaku Klistu echikotutungulula. Pakuba tulachetekela ukwebati umo alitufwilile bonse, echo bonse balifwa.

Efeso 4:18

Elo amano abo ali mumfinshi pamulandu imitwi yabo ilikosele ndi mukuteshiba Lesa. Bafutatila ubumi ubo Lesa apela.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

1 Timoti 5:6

Nomba umwanakashi chokolo nga ayibika mukutemwa amalila amuno chalo alifwile kale nangu achili umumi.

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.

Ukufisulula 3:1

“Uutangilila ichilonganino chaku Sadisi umulembele: “Nga mashiwi aafuma kuli uyo uwakwata Imipashi yaku Lesa isano na ibili nentandala shisano na shibili. Ye akoti, Nalishiba imilimo yobe. Elo walishibikwa ukuba wabumi, kuntu walifwa kale.