Efeso 1:9 - Chipangano Chabwangu

⁹ Lesa alitufisulwila ubufwayo bwakwe afishile ubo apingile ukuchita muli Klistu.

Efeso 1:9 ပူးပေါင်းရင်းမြစ်များ

Mateyo 13:11

Elo naye abasukile ati, “Kuli mwebo kwalipelwa ukwishiba ifyamubumfisolo ifyabufumu bwakumulu, nomba bo tabapelwapo iyowo.

Luka 12:32

“We kabumba kanini kambelele, witina pantu ba Nshinwe balasekelela pakumupela ubu bufumu.

Luka 2:14

“Umuchinshi ube kuli Lesa mumulu mwine, epo nomutende panonshi mubantu abo atemwa!”

Imilimo ya batumwa 13:48

Ulo abenafyalo baumfwile mfi, batemenwe ukwinekantu nokutondayisha Bashikulu. Nomba abo Lesa asalile ukuba nobumi butapwa balichetekele.

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Imilimo ya batumwa 4:28

Bakumene ukuchita ifyo webo wapangile kale ukupitila mufiso nobufwayo bwako ukuti fichitike.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

Galatiya 1:12

Nshapelwepo nangula ukusambilishiwa kumuntu iyowo. Yesu Klistu ewabufisulwile kuli nebo.

Galatiya 1:15

Nomba Lesa umwine alinsalile kale nokunjita ulo nshilafyalwapo.

Galatiya 1:16

Atemenwe ukwebati amfisulwile Umwana wakwe ukuti mbilishe Ubutumi Bwawama ubusosa ifyaku Ye kubenafyalo. Tapapo uwo nayipushishepo pa Butumi mbu,

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 1:8

Lesa alibufukumwine pali fwe. Mumulangwe namukwishiba kwakwe,

Efeso 3:11

Lesa alichitile mfi ukuti nachine fichitike muli Klistu Yesu Bashikulu wesu ifyo asosele kale inshita tayilatatika.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.