Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efeso 1:7 - Chipangano Chabwangu

7 Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

အခန်းကိုကြည့်ပါ။ ကော်ပီ




Efeso 1:7
67 ပူးပေါင်းရင်းမြစ်များ  

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”


Ngu mulopa wanji uwachipangano chabwangu, uwayitililwa abenji ukuti amabifyo abo anakililwe.


Mutunakilileko amabifyo yesu, kubati nimfilya tunakilila bonse abatubifisha.


Elo abebele ati, “Ngu mulopa wanji uwachipangano uwayitililwa pamulandu wabenji.


Ukwishibisha abantu bakwe ukuti bakwisa kupuluka, mukunakililwa kwamabifyo abo.


Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.


Bantu bonse mukonakilila amabifyo abo, epela bakunakililwa. Elo bonse abo mutakonakililapo, tabakanakililwepo iyowo!”


Nabasoseshi bonse balikusosa ifyaku Yesu ukuti umuntu onse uchetekela muli Ye akunakililwa amabifyo akwe ukupitila mufiso fyeshina lyakwe.”


Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”


Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.


Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.


Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?


Nomba mubwanshi bwakwe ubuli bupe bwaka, alalungamika abantu bonse ukupitila muli Yesu Klistu uwatupulwishe.


Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.


Elo nakambi afwayile ukubonesha ubuleme bwakwe ubukulu kuli fwebo abo akwatile ichisa nokutupekanishisha limo mbu bulume.


Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.


Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.


Umupashi Wabuta echishininkisho chakwebati twakupoka ifyo Lesa atulayile. Nakambi nchi chikoshininkisha ati Lesa akupa ubwanalale kubantu bakwe. Nomba katuchinshike ubuleme bwakwe.


Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.


Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.


Lesa alibufukumwine pali fwe. Mumulangwe namukwishiba kwakwe,


Nomba Lesa wankumbu ukwinekantu nakambi alitutemwa ukuchilapo.


Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.


Nkolomba Lesa ukuti mubuleme bwakwe ubukulu, mu Mupashi wakwe Wabuta akoshe ubumi bwenu ubwabwangu.


Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.


Lesa wanji ali nobuboni ubwinji. Elo muli Klistu Yesu akumupela fyonse ifyo mukabila.


Muli Ye emo twalubukila, ekwebati, alitunakilila amabifyo esu.


Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.


Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.


Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.


Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.


Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.


Muli Yesu Klistu, Umupulushi wesu, Lesa alifungulula ifiso fyakwe nokutupela Umupashi Wabuta.


Ina, ukulingana na Mafunde akwa Mosesi, ifintu filawamishiwa nomulopa. Elo amabifyo tayanakililwapo ukwambula ukwitulwilwa umulopa.


Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.


Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.


Nkolembela mwebo mwe bana banji pantu ububi bwenu bulelelwa pamulandu waku Klistu.


Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.


Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.


Mba ebayilamine, abatayibifishepo nabanakashi, abatayishibapo umwalalume. Balakonka Umwana wambelele konse aya. Mba balipulushiwa pakati kabantu ukuti babe abakwamba ukupelwa kuli Lesa naku Mwana wambelele.


Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ