Efeso 1:18 - Chipangano Chabwangu

¹⁸ Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.

Efeso 1:18 ပူးပေါင်းရင်းမြစ်များ

Mateyo 13:15

Pantu amano abantu mba anini, namatwi abo alikoma, namenso abo alishibata. Nga chitaba mfi, nga balabona namenso abo, balomfwa namatwi abo, nokwiluka mumano abo. Elo nga baalukila kuli ne, nande kuti nabaposha.’

Maliko 10:17

Ulo Yesu alikuya, umwalalume umo alimubutukile, ayile kufukama pantanshi yakwe, nokumufumba ati, “We musambishi uuweme, chindo ningachitapo ukuti nkapoke ubumi butapwa?”

Luka 24:45

Elo ayiswile imitwi yabo ukuti bomfwikishe ifya Mumalembo Apatulika.

Imilimo ya batumwa 16:14

Umo waku bo abalikutumfwa ali ni Lidiya uwaku Tiyatila. Alikushitisha insalu ishaswetuluka. Ngu mwanakashi alikulomba Lesa. Elo Bashikulu bayiswile umutima wakwe ukuti omfwikishe ifyali kusosa Paulo.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 11:29

Pakuti Lesa taulula malangulushi akwe ulo asala nokushukisha umuntu.

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Galatiya 5:5

Nomba kuli fwebo, pakuti twalipokelela Umupashi Wabuta, tukololela ukuti Lesa akatupokelela nga abalungama ukupitila mukuchetekela.

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 2:12

Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.

Efeso 3:16

Nkolomba Lesa ukuti mubuleme bwakwe ubukulu, mu Mupashi wakwe Wabuta akoshe ubumi bwenu ubwabwangu.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Efeso 5:8

Namwe kale mwali mumfinshi, kuntu nomba muli mukusanika pakusangwa ukuti muli baku Bashikulu. Nomba mwende nga bantu abayikala mukusanika.

Filipi 3:14

Ndabutukila kuchipimo ichakuchimfyanya ichalubilo ndu ukwebati nkanonke ububoni ubo Lesa akotwitila kumulu muli Klistu Yesu.

Kolose 1:12

Echo nkolomba ukuti mulokutotela Lesa Bata, uwamulenga ukuba abalinga ukukwatako ifintu Lesa amubikila mubufumu bwakusanika.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

1 Tesalonika 5:8

Apo tuli bamukasuba, tufwile ukuyipekanya. Tufwale ichichetekelo nechitemweko nge chichingililo pachifuba. Nechisoti chesu chibe ukulolela kwesu ukuti tukapuluke.

2 Tesalonika 1:11

Ngu emulandu twamulombelako kuli Lesa ukuti mube abalinga mubwite bwenu. Elo tukolomba ukuti, mufiso fyakwe, amukoseleshe ukuchita ifiweme fyonse ifyo mukokabila ukuchita muchichetekelo chenu.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

1 Timoti 6:12

Ulokulwa bwino inkondo iyakusunga ichichetekelo ukufikila ukapokelele ubumi butapwa. Pantu efyo Lesa akwitile ulo wasuminine palwalala ifyachichetekelo chobe nabantu bonse balikumfwa.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Taitasi 3:7

Lesa alichitile mfi ukwebati mubwanshi bwakwe, utulungamike pamenso yakwe. Elo twakupokelela ubumi butapwa ubo tulindilila.

Hebele 10:32

Ibukisheni inshiku shakale nshilya ulo mwasanikilwe na Lesa. Mwalichushiwe inshita ishinji. Nangu chali mfi mwayimakene ndii.

Hebele 6:4

Bo abaposele ichichetekelo chabo, tekuti babwelelepo nokulapila. Lesa alibasanikilepo kale, elo baumfwileko ichabupe ichifuma kumulu. Nabo balipokelele no Mupashi Wabuta.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.