3 Yohane 1:8 - Chipangano Chabwangu

⁸ Echo tufwile ukubafwilisha abantu abali mfi ukuti tubombele pamo mukutwala ichine.

3 Yohane 1:8 ပူးပေါင်းရင်းမြစ်များ

Mateyo 10:14

Nga takwakabepo umuntu nangu umo uwakumupokelela nangu ukumfwa amashiwi enu, mukakunte ulukungu kumakasa enu pakufuma munanda iyo nangu mumushi uyo.

Mateyo 10:40

“Onse uwapokelela mwebo, nine apokelela. Elo onse uwampokelela ekwebati apokelela na Bata abantumine.

Luka 11:7

Napo uuli mukati kananda nga alyasukile ati, ‘Winsunsha! Pakuti ndiseleko. Elo nebo nabana banji tulilele akale. Tekuti mbuke nokukupela ifyo ukolomba.’

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

2 Kolinto 8:23

Ukusosa pali Taitasi, emubomfi munanji uwayikatana pamo nane pakwafwilisha. Ukusosa ifyabawesu bambi bo, balitumwa nefilonganino, elo Klistu akochinshikwa pamulandu wabo.

Filipi 4:3

Elo nkokupapata nawebo, wemunanji umwinenene pamulimo wesu ngu ukuti ubafwilisheko abanakashi mba. Pakuba balibombele ukwinekantu pamo nandibo mukutanda Ubutumi Bwawama. Elo babombele na Kilementi pamo nababomfi bananji bambi abali namashina aabo aalembelwe mwibuku lyabumi.

Kolose 4:11

Yoshua, ishina limbi ni Yusitasi, naye amuposha umutende. Mba batatu e Bayuda benka bwaka abachetekela abo tukobombela pamo umulimo wabufumu bwaku Lesa. Elo ebansangulushako ukwinekantu.

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

Filimoni 1:2

nakuli Afiya inkashi yesu nomushilikali munesu, Alikipo pamo nechilonganino chabena Klistu ichikumanina munanda yakwe.

Filimoni 1:24

Ababomfi bananji ba Maliko na Alisitakasi, Dimasi na Luka nabo bakuposha umutende.

3 Yohane 1:10

Echo ulo nakwisa, nakumwebako fyonse ifyo achita. Ena asosa pali fwebo amashiwi ayabipile. Temfi fyenka iyowo, nakambi alakana nokupokelela abena Klistu banakwe. Alakanya nabantu abafwaya ukubapokelela. Ye alafwaya nokubatamfya namuchilonganino.

3 Yohane 1:7

Pantu ulo bayimine mubulwendo lwabo lwakubombela Klistu, tabasuminishe ukuti bafwilishiwe nabakunse.

3 Yohane 1:9

Nalilembele kalata kuchilonganino, kuntu Diyotulefesi, uufwaya ukuba intungulushi yabo, taposelepo amano kufyo nalikusosa.