3 Yohane 1:5 - Chipangano Chabwangu

⁵ We mutemwekwa, ukochita muchine ulo wafwilisha abena Klistu banobe, ukuchilapo abeni.

3 Yohane 1:5 ပူးပေါင်းရင်းမြစ်များ

Mateyo 24:45

“Nga ninani engaba umupyungi wachine, uwamano uwo Bashikulu bakwe bengasonta pabapyungi banakwe ukuti eye alokubapela ichakulya panshita iilingile?

Mateyo 25:16

Uwapelwe amakana asano alimine nokushifungashanya. Elo asangilemo nashimbi amakana asano.

Luka 12:42

Bashikulu balimwasukile ati, “Kanshi, ninani uwingaba uwakuchetekela nowamano? Ningulya uwo wishikulu akusonta ukuba umukulu pali bonse, mukuba uwakupela ifyakulya kubamilimo bonse panshita yalinga.

Imilimo ya batumwa 1:15

Ulo papitile inshiku shinini, kwali ukulongana kwabachetekela bonse. Pamo bafikile kubati mwanda umo namakumi abili. Elo Petulo ayimakene pakati kabo nokusosa ati,

Loma 12:13

Peniko ifyakwafwilisha kubena Klistu banenu abatakwetepo. Pokelelenipo abalwendo namaboko abili.

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

Kolose 3:17

Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

Hebele 13:2

Mulokwibukisha ukupokelela abalwendo mumananda yenu. Bambi abachitile mfi akale, balipokelele abangelo ukwambula ukwishiba.

3 Yohane 1:10

Echo ulo nakwisa, nakumwebako fyonse ifyo achita. Ena asosa pali fwebo amashiwi ayabipile. Temfi fyenka iyowo, nakambi alakana nokupokelela abena Klistu banakwe. Alakanya nabantu abafwaya ukubapokelela. Ye alafwaya nokubatamfya namuchilonganino.

3 Yohane 1:3

Pakuti nalitemenwe ukwinekantu ulo bawesu bambi bafikile nokunjeba ukuti ubumi bobe bwaba ubwakwebesha, ukokonka nefyachine.