3 Yohane 1:2 - Chipangano Chabwangu

² We mutemwekwa wanji, nkolomba ukuti ifintu fyonse filokwenda bwino, nakambi ukuti wilokulwalapo. Ndishibile ukuti kumupashi obe uli bwino.

3 Yohane 1:2 ပူးပေါင်းရင်းမြစ်များ

Mateyo 9:12

Ulo Yesu aumfwile mfilya, asosele kuli bo ati, “Abakosele tabafwayapo ing’anga iyowo, kuntu abalwele.

Filipi 2:27

Nachine alilwele ukwinekantu, ali apepi nokufwa. Nomba Lesa alimukwatila inkumbu. Te enka bwanka akwatilepo inkumbu iyowo, kuntu nandibo, ukwebati pelundwapo amachushi pali ngalya ndinawo kale.

Filipi 2:4

Mwilokufwayapo ifikomuwamina mwenka iyowo, kuntu nefikowamina abanenu.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

Yemusi 5:12

Nomba ukuchilapo muli fyonse, mwe bawesu, mwilokulapapo iyowo. Mwilokulapapo ati, “Nakumulu!” Nangula ati, “Napanonshi!” Nomba musose bwaka ati, “Ina,” mukusuminisha, nangula, “Iyowo,” mukukana ukwebati Lesa emupelapo umulandu.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

3 Yohane 1:1

Nine nemukote, nkolembela Gayusi uyo natemwesha chine-chine.

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.