2 Yohane 1:2 - Chipangano Chabwangu

² Tukomulembela mfi pantu ichine chaba muli fwebo nakambi chakuba nafwebo inshiku shonse.

2 Yohane 1:2 ပူးပေါင်းရင်းမြစ်များ

Yohane 14:16

Elo nakuya kufumba Bata, epo bakoya kumupa kafwa umbi, uwakwikalilila namwe lonse.

Yohane 15:7

Nga mukoyikalilila muli nebo, namashiwi anji ayikala muli mwebo, fumbeni chonse incho mukofwaya, elo chikoyisa kupelwa kuli mwe.

1 Kolinto 9:23

Fyonse mfi ndafichita pamulandu wa Ubutumi Bwawama ukuti nandibo mpokelele nabo ishuko ilya Butumi mbu

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

2 Timoti 1:5

Inshita shonse ndalanguluka nechichetekelo chobe ichinenene. Ichichetekelo nchilya ichali muli bambuya bobe ba Loisi namuli banoko ba Yunisi. Elo nkochetekela ukuti nawebo uli nacho.

2 Petulo 1:12

Echo shalekepo ukumwibukisha mfi inshita shonse nangu mulifishibile kale, elo mulachetekela ichine icho mwapokelele.

1 Yohane 1:8

Nga twasosa ukuti tatwakwatapo bubi, twayibepafye, nechine tamupo muli fwe.

1 Yohane 2:14

Nkolembela mwe bana banji, pantu mwalishiba Bata. Nkolembela mwe bashifwe, pantu muli mwishibile uyo uwabako ukufuma kukutatika. Nkolembela mwe balumbwana, pantu muli nefiso. Ishiwi lyaku Lesa likala muli mwebo, mwamuchimfya Umubi ngulya.

1 Yohane 2:17

Ichalo nafyonse ifyabamo ifyo bantu bakumbwa fyakupita, lelo umuntu uuchita ubufwayo bwaku Lesa ekalilila umuyayaya.