2 Yohane 1:1 - Chipangano Chabwangu

¹ Nine nemukote, nkolembela umwanakashi uwasalwa na Lesa pamo nabana bakwe abo natemwesha. Tenepo nenka iyowo, kuntu nabonse abayishiba ichine balimutemwa.

2 Yohane 1:1 ပူးပေါင်းရင်းမြစ်များ

Luka 1:3

Nomba nebo nalikonka bwino-bwino nji milandu ukutula pakutatika. Echo nati kanembe bwino nakuli mwebo mwe batemekwa ba Teyofilasi

Yohane 8:32

Elo mwakwishiba ukwebesha, nanku kwebesha kwakwisa kumulubula.”

Imilimo ya batumwa 11:30

Ulo bachitile mfi, bapele Saulo na Banabasi indalama ukuti batwalile abakulu bachilonganino ichaku Yelusalemu.

Loma 16:13

Nkoposha umutende kuli Lufusi, uwachinchila mukupyungila Bashikulu, nakuli banyina bo abali kubati nibama.

Galatiya 2:14

Ulo abwene ukuti tabali kukonka ukusambisha ukwachine ukwa Butumi Bwawama, nalisosele kuli Petulo pachinso chabantu bonse ati, “Webo uli Muyuda, kuntu mubwanalale bobe, walikwikala kubati mwinafyalo. Mba nindo ukopatikisha abenafyalo ukwikala kubati Bayuda?”

Galatiya 2:5

Nomba tatwabanakililepo nangu panini iyowo. Twalichitile mfi pakuti twalikufwaya ukuwamya ukusambisha ukwachine ukwa Butumi Bwawama.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Galatiya 5:7

Mwalikubutuka bwino ulubilo mukuchimfyanya kwenu. Mba wamuleseshe ninani ukwebati mwilokumfwa ichine?

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

1 Timoti 2:4

ngu uufwaya ukuti abantu bonse bapuluke nokwishiba ifyachine.

Hebele 10:26

Nomba nga tukobifisha mumbo ulo twishibile ichine, tapapo ichipupo chimbi ichingapelwa pamulandu wamabifyo esu.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

1 Petulo 5:13

Abanenu abachilonganino chaku Babiloni bakomuposha umutende. Maliko uuli kubati mwana wanji naye akomuposha umutende. Muposhanye.

1 Yohane 2:21

Nshikomulembela pamulandu wakuti tamwishibilepo ichine iyowo, kuntu ukuti mulishibile. Elo mulishibile ukuti ubufi tabwingafuma muchine.

1 Yohane 3:18

Mwe bana banji, ukutemwa kwesu takufwilepo ukuba bwaka pakanwa. Tufwile ukulanga ukutemwa kwesu munchito shesu.

2 Yohane 1:13

Abana babawenu uwasalwa na Lesa bamuposha umutende.

2 Yohane 1:5

Nomba nkokupapata we mwanakashi uwatemwekwa ukuti tulundeko bonse ukutemwana. Nshikokulembelapo ifunde ilyabwangu iyowo, kuntu lyenka ndilya twakwata ukufuma pakutatika.

3 Yohane 1:1

Nine nemukote, nkolembela Gayusi uyo natemwesha chine-chine.