2 Timoti 4:2 - Chipangano Chabwangu

² ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.

2 Timoti 4:2 ပူးပေါင်းရင်းမြစ်များ

Luka 7:23

Balishuka abantu abatakayikapo pali nebo!”

Luka 7:4

Ulo bafikile kuli Yesu, abakulu mbalya balimupapatile ukwinekantu nokuti, “Ngu alingile ukumwafwa

Luka 9:60

Nomba Yesu alimwasukile ati, “Leka abafwa balokushika abafwa banabo. Nomba webo koya bwaka mukubila imbila ya bufumu bwaku Lesa.”

Imilimo ya batumwa 13:5

Ulo bafikile mumushi wa Salamisi, balikushimikila amashiwi aku Lesa mumananda akulombelamo Lesa. Bayile na Yohane Maliko ukuti alokubafwilishako.

Imilimo ya batumwa 16:13

Pakasuba ke Sabata twafumine kunse yamushi nokuya kuunika uko twalikulanguluka ukuti kwalibapo ichifulo uko Abayuda balonganina mukulomba. Twalikele nokusoshanya nabanakashi abalongene nkulya.

Imilimo ya batumwa 20:7

Pakasuba kakwamba ake Sabata, twalongene bonse pamo ukulya Umulalilo wa Bashikulu. Ulo twapwile, Paulo atatikile ukusosa nabantu. Pantu alikufwaya ukuya palwendo uluchelo, echo alipitilile ukusosa ukufika napakati kabushiku.

Imilimo ya batumwa 28:16

Nomba ulo twafikile mu Loma, Paulo balimusuminishe ukulokwikala enka nomushilikali umo wakumulinda.

Loma 10:15

Elo kuti babilisha shani nga tabatuminwepo? Ukubati nimfilya Amalembo asosa ati, “Ukuwama amakasa aambo abaleta Ubutumi Bwawama!”

Loma 12:12

Mulokusekelela mukulolela kwenu. Shipikisheni munshita shamachushi. Elo mulokulomba lonse.

Galatiya 6:6

Umuntu onse uusambilishiwa amashiwi aku Lesa alingile ukwakana ifintu fyonse ifiweme nangulya uukomusambisha.

Kolose 1:25

Elo nandibo ndimupyungi wachilonganino nchi pantu Lesa alimpele umulimo wakupyunga mukati kenu. Umulimo ngu uwakuti mbilishe amashiwi akwe onse.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

1 Tesalonika 1:6

Mwalikutenteka imikalilo yesu neya Bashikulu Yesu. Mwapokelele Ubutumi Bwawama mukusangalala uko Mupashi Wabuta wamupele, nangu mwalikuchula.

1 Tesalonika 5:14

Mwe bawesu, tukomupapata ukuti muchenjeshe abanang’ani, mukoseleshe abena Klistu abakutintilila, mwafwilisheko abanaka. Mulokuteka umutima kubantu bonse.

1 Tesalonika 5:20

Mwisaushapo Ubutumi Bwawama ubukobilishiwa.

1 Timoti 4:13

Ukufikila ulo nakwisa, wipele ukubapendela nga amashiwi, ukushimikila nokusambisha.

1 Timoti 5:20

Mubakalipile palwalala bonse abakochita ifibi pakuti bambi bakwatilepo umwenso.

2 Timoti 2:21

Nga muntu ayiwamya nokwitalushako kufyabipa, akubati chipe ichamuchinshi. Akwipela nomutima onse kuli Shikulu wakwe ukuti amubomfye. Akuba uwayipekanya ukupyunga umulimo onse uuweme.

2 Timoti 2:25

Uwafuka pakulungika abakomutalika. Nalimo Lesa kuti abapela inshita yakuti balapile nokwishiba chine.

2 Timoti 3:10

Nomba webo walishiba bwino-bwino ukusambisha kwanji, imyendele yanji, amapange yanji, ichichetekelo chanji, ukufuka umutima kwanji, ukutemwa kwanji, ukushipikisha kwanji,

Taitasi 1:13

Amashiwi nga akwebesha. Echo ubashinine ukwinekantu bantu mba ukuti bakose ndi muchichetekelo chabo.

Taitasi 2:15

Mfi efyo ulokusambisha. Ulokubachinchisha abantu nokubakonkobesha nefiso fyonse. Kwibapo umuntu nangu umo ukuti akuloleshe pamutwi.

Hebele 13:22

Nkomupapata mwe bawesu, mulokumfwilako amashiwi nga ayakukoselesha pakuti ndilembele mubwipi.

Ukufisulula 3:19

Bonse natemwa ndabakalipila nokubachusha. Nomba uchinchile nokulapila.