2 Timoti 1:3 - Chipangano Chabwangu

³ Nkototela Lesa uyo mombela nomutima wabuta kubati nimfilya fyachitile ifikolwe fyanji. Ndatotela ulo nkokulanguluka mumapepo anji akasuba nobushiku.

2 Timoti 1:3 ပူးပေါင်းရင်းမြစ်များ

Luka 2:37

Epo alikele bumukamfwilwa imyaka amakumi asano na atatu nayine. Talikufumako kunanda yaku Lesa. Ali uwakupyungila Lesa akasuba nobushiku. Alikulomba nokwiikanya ukulya.

Imilimo ya batumwa 22:3

“Nebo ndi Muyuda umwinenene. Nafyalilwe mumushi wa Tasusi muchalo cha Silisiya, kuntu nakulile muli nguno mushi wa Yelusalemu. Nali kusambilishiwa na Gamalieli. Nasambilile ukufikapo mu Mafunde yafikolwe fyesu, nakambi nali uwachinchila muli fyaku Lesa kubati nifyo muli mwebo bonse.

Imilimo ya batumwa 23:1

Paulo aloleseshe bashichilye nokusosa ati, “Mwe bawesu, Abaisilaeli bananji. Nshikotwishikapo mumutima wanji pabumi nali nabo kuli Lesa ukufikila nanomba.”

Imilimo ya batumwa 24:14

Icho nkosumina pamenso yenu ninchi ichakuti ndalomba Lesa wafikolwe fyesu ukupitila mukukonka njo Nshila bakoeba ukuti yabufi. Elo nkosumina fyonse ifyalembwa mu Mafunde akwa Mosesi nefyalembele abasoseshi.

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Imilimo ya batumwa 26:4

“Abayuda bonse balishiba ifyabumi bwanji ukufuma kubwayiche bwanji. Balishiba ukuti ukufuma bwaka kukutatika nayikele muchalo chanji, nakambi namu Yelusalemu epela.

Imilimo ya batumwa 27:23

Pantu bwenka mbuno ubushiku ubupitile umungelo waku Lesa uwo mpyungila, achisa

Loma 9:1

Nkososa ifyakwebesha muli Klistu, tanshikobepapo iyowo. Nomutima wanji ukotangililwa no Mupashi Wabuta ukonsuminisha nebo ati nshisosapo bufi

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

Galatiya 1:14

Echo nali pantanshi yabananji bonse mukuchita ifya Chiyuda. Nachine nali uwachinchila mutufuto utwafikolwe fyesu.

Efeso 1:16

nshalekapo ukutotela Lesa pamulandu waku mwebo. Ndamwibukisha lonse mukulomba kwanji.

1 Tesalonika 3:10

Nomutima onse tulalomba Lesa ukuti tukabonane namenso nokwisalundako kuli fyonse ififwayikwa kuchichetekelo chenu.

1 Timoti 1:19

Wikatishe ichichetekelo chobe, ube nomutima wambula akalema. Abantu bambi tabomfwila kampingu wabo, elo baonaula ichichetekelo chabo.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Timoti 5:5

Nomba umwanakashi chokolo umwinenene, uutakwetepo nangu umo uwakumwafwako, nga abika ichichetekelo chakwe muli Lesa epela. Elo alalomba ukwambula ukuleka ubushiku nakasuba ukuti Lesa amwafwe.

2 Timoti 1:5

Inshita shonse ndalanguluka nechichetekelo chobe ichinenene. Ichichetekelo nchilya ichali muli bambuya bobe ba Loisi namuli banoko ba Yunisi. Elo nkochetekela ukuti nawebo uli nacho.

2 Timoti 3:15

nakambi ukufuma ulo wali ulucheche walishiba Amalembo Aabuta, ayo angakupela umulangwe wakupulushiwa ukupitila mukuchetekela Klistu Yesu.

Hebele 13:8

Yesu Klistu eye enka, mayilo, lelo nenshiku shonse.