2 Petulo 3:9 - Chipangano Chabwangu

⁹ Tekwebati Bashikulu bakoshinga-shinga pakufikilisha ubulayo bwabo, kubati nimfilya bambi balanguluka, kuntu bakoteka umutima. Tabafwayapo ukuti umo aonayike, kuntu ukuti bonse balapile.

2 Petulo 3:9 ပူးပေါင်းရင်းမြစ်များ

Loma 13:11

Echo mulokuchita mfi pakuti mulishibile ukuti inshita yakubuka mutulo ilifikile. Nachine, inshita iyakupuluka kwesu ilipalamine ukuchila ifyo chali ulo twachetekele.

Loma 13:12

Nomba ubushiku buli mupepi ukushila nakasuba kakusanika. Nomba katuleke imilimo yamumfishi, elo tupinte ifyankondo ifyamukasuba.

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Loma 9:22

Emfi Lesa achita. Nangu afwayile ukubachusha mubukali bwakwe nokubalanga ifiso fyakwe kuntu abakwatile inkumbu. Akwete ukushipikisha pali bo abali nokumfwa ubukali bwakwe.

1 Timoti 1:16

Nomba Lesa alimbele inkumbu pakuti muli ne emo Klistu Yesu alangile ukuteka-umutima kwakwe konse. Alikufwaya ukuti ne mbifi mbe ichakubwenapo kuli bo bonse abakuchetekela pakuti bakabe nobumi ubutapwa.

1 Timoti 2:4

ngu uufwaya ukuti abantu bonse bapuluke nokwishiba ifyachine.

Hebele 10:37

Pakuti Amalembo alasosa ati, “Pashele bwaka akashita akanini ukuti uyo uwakwisa akufika, takokolepo iyowo.

1 Petulo 3:20

Mipashi njilya yabantu abataumfwile ulo Lesa alindilile nomutima wakushipikisha panshita Nowa alikupanga ingalaba. Mungalaba njilya abantu abanono bwaka, basano nabatatu, ebapulukile kumenshi.

2 Petulo 1:4

Muli mfi alitupela ifilayo ifikulu ukwinekantu ukuti mukapokelele ubumi bwaku Lesa panuma yakupulushiwa kukonauka kwapanonshi pamulandu wakufwaya ububi.

2 Petulo 3:15

Mwishibe ukwebati Lesa akoteka umutima pantu akofwaya ukumupulusha. Echo naye Paulo, wesu watemwekwa, amulembele mfi nomulangwe uwo Lesa amupele.

Ukufisulula 2:21

Nalimupele inshita yakuti alapile, nomba tafwayapo ukulapila nokusha ubulale-lale bwakwe.