2 Petulo 3:7 - Chipangano Chabwangu

⁷ Nomba Lesa namashiwi enka nga, asunga iwulu nechalo ifyo tubona nduno ukwebati akafyoche kumulilo. Alifisunga ukufikila pakasuba ako akupingula nokonaula abantu abatachetekela.

2 Petulo 3:7 ပူးပေါင်းရင်းမြစ်များ

Mateyo 10:15

Nachine nkomweba ati pali nkalya kasuba akabupingushi Lesa akubakwatila inkumbu abena Sodomu nabena Gomola ukuchila abantu bamuli ngulya musumba!

Mateyo 11:22

Nachine nkomweba ati, pali nkalya kasuba kabupingushi, umulandu wenu mwe wakubipisha ukuchila wabena Tule na Sidoni.

Mateyo 11:24

Echo nkomweba ichine ati, pali nkalya kasuba kabupingushi, umulandu wenu mwe wakubipisha ukuchila wabena Sodomu.”

Mateyo 12:36

“Nomba nkomweba ati, pakasuba kabupingushi abantu bakupelwa imilandu pamulandu wamashiwi onse awo basosa ichisose-sose.

Mateyo 24:35

Umulu nechalo fyakupita, kuntu amashiwi anji akubelelela umuyayaya.

Mateyo 25:41

“Elo akweba abakuba kuchipiko ati, ‘Fumeni mpa, mwe bashama. Kamuya mumulilo uutashimapo uwo Lesa apekanishishe Satana nabangelo bakwe.

Maliko 6:11

Konse uko bakana ukumupokelela nokumumfwa, pakufumamo, mukakunte ulukungu kumakasa enu, lwikale bumwanamboni pali bo!”

Yohane 12:48

Muntu onse uukonkana nokutapokelela amashiwi anji, eko ali uwakwisa kumupingula. Amashiwi ayo nsosele eyakwisa kumupingula pakasuba kakumupwilo.

Loma 2:5

Nomba webo waba nomutima uukosele too, uutapilibukapo. Echo ukoyilundulwilako ubukali bwaku Lesa ubo akwisa kulanga pali nkalya kasuba mukupingula kwakwe ukwalungama.

1 Kolinto 3:13

Pakuba umulimo wamuntu wakuboneka apatubile tuutu ulo akasuba kabupingushi kakuyilanga. Akasuba nkalya kakwisa nomulilo. Elo umulilo ngulya wakwisa kwesha imilimo yamuntu uuli onse.

Filipi 1:28

Mwilokusuminishapo ukuti utupondo twenu tulokumutinya munshila iili yonse. Mfi fyonse fyakubashinina ukuti bo bakonaulwa, nomba mwe mwakupuluka. Lesa ewakumuchitila fyonse mfi.

2 Tesalonika 2:3

Mwileka umuntu nangu umo amubepepo munshila shonse pantu nkalya kasuba akatalayisa kufika kwakuba ukwalukila ubufumu bwaku Lesa. Elo umuntu uubipile ngulya akuboneka apatubile tuutu, elo akonaulwa.

1 Timoti 6:9

Nomba abantu abafwaya ububoni ubwinji, balawila mukweshekwa nakambi balekatwa kuchitembo ichalunkumbwa ulupusene-pusene ulwabupuba ulo ulubaposa mufibi.

Hebele 12:29

Pakuti Lesa wesu mulilo uwonaula.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.

2 Petulo 3:10

Nomba akasuba kaku Bashikulu kakwisa nga mung’o. Pakasuba nkalya iwulu lyakuluba nokubuluma ukukulu. Ifintu fyonse fyakupya nokusungulika kumulilo. Elo ichalo nefintu ifyabamo fyakupya shikiti.

2 Petulo 3:12

Mukolindila akasuba akakubwela kwaku Lesa ulo mupyunga mukwangufyanya akasuba nkalya. Pali nka kasuba ifyakumulu fyakupya nokonaulwa kumulilo, elo ifintu fyonse fyakusungulika kumulilo.

1 Yohane 4:17

Ukutemwa kwesu nga kwaba ukwafikapo, ekuti ubumi bwesu pano chalo bwakubati bwaku Klistu. Elo tukakwata ukushipikisha pakasuba kabupingushi.

Yuda 1:7

Ibukisheni nakambi abamumisumba ya Sodomu na Gomola nemishi yabena mupalamano. Abantu bamumishi njilya, balikuchita ifibipile nefitangasoswa. Lesa alibachitile ukuba ichakubwenako ulo abaposele mumulilo uutashima.

Ukufisulula 17:11

Ichiswango nchilya ichali ichumi, kuntu nomba tachikwetepo ubumi, echalenga imfumu shisano na shitatu. Nangu chali mfi, imo yamfumu shisano na shibili, elo yakonaulwa.

Ukufisulula 17:8

Ichiswango icho wabona, inshita imbi chali ichabumi, kuntu nomba tachikwetepo ubumi. Chili mupepi nokufuma muchilindi ichitapelapo ukuti chikonaulwe. Abantu bonse abekala pachalo abakwete amashina atalembelwepo mwibuku ilyabumi ukufuma ukutatika kwachalo, bakushimbwa pakubona ichiswango nchi. Chali nobumi, kuntu nomba tachikwetepo. Nangu chibe mfi, chakwisa kuboneka nakambi.

Ukufisulula 20:11

Panuma yaku mfi nalibwene umupando wabufumu ukulu uwabuta, nangulya uwayikalapo. Ichalo nomulu fyalimubutukile, elo tafyabonekelepo nakambi.

Ukufisulula 21:1

Panuma yaku mfi nalibwene umulu wabwangu nechalo chabwangu. Pakuti umulu wakwamba nechalo chakwamba fyalishilile, nabemba walilobele.