2 Petulo 3:14 - Chipangano Chabwangu

¹⁴ Echo mwe batemwekwa, pakuti mukolindilila mfi fintu, mulokuchinchila ukwebati Bashikulu bakamusange abatakwetepo ifisemba, umulandu, elo abali mumutende na Bashikulu.

2 Petulo 3:14 ပူးပေါင်းရင်းမြစ်များ

Mateyo 24:26

“Echo nga bantu bamweba ukuti, ‘Umfweni, Klistu ali muchiswebebe!’ Mwikayako iyowo. Nangula abamweba ati, ‘Umfweni, Klistu ali mukati munanda!’ Mwikasuminapo iyowo.

Mateyo 25:7

Echo abanansungu bonse balibukile nokwasha inyali shabo.

Luka 12:43

Ngu mupyungi akuba uwakusekela kati wishikulu akumusanga akochita mfi ulo akubwelela kunanda!

Luka 2:29

“Nomba mwe Shikulu, kuti mwamusuminisha umusha wenu afwe mumutende, pantu mwafikilisha ichilayo chenu.

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

Filipi 2:15

ukuti mube ababula umulandu, abana baku Lesa abatakwetepo akalema pakati kabantu abapetama nakambi ababi. Pakati kabantu abali mfi mulasanika kubati nimfilya intandala shiboneka panonshi

Filipi 3:20

Nomba fwebo kwesu nikumulu. Elo Umupulushi uyo tukolindila akufuma kwenka nkulya. Umupulushi ngu ni Bashikulu wesu Yesu Klistu.

1 Tesalonika 3:13

Echo Bashikulu bakoseleshe ukuti mube abaololoka nababuta ukufikapo kuli Lesa Bata, inshita Bashikulu Yesu Klistu bakwisa pamo nabasalwa babo.

1 Tesalonika 5:23

Lesa umwine, uutupela umutende, amulenge ukuba abantu bakwe abenenene. Amulenge abafikapo mumupashi, mumitima nakambi mumibili yenu ukuti mwikaba nakalema ulo bakwisa Bashikulu Yesu Klistu.

1 Timoti 6:14

Nkokweba ati ukwambula akalema nangula ukutwishika, ulokulama bwino fyonse ifyo wasambilile ukufikila ulo Bashikulu Yesu Klistu bakubwela.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

2 Petulo 3:1

Mwe batemwekwa, kalata nji nkomulembela yachibili. Mumakalata onse abili nga nkofwaya ukumwibukisha ukuti mulokulanguluka ifyachine mfi fyonse.

2 Petulo 3:16

Alasosa fyenka mfi mumakalata onse ambi. Mumakalata ngalya mwaba fimo ifikanga ukumfwa, ifyo abatasambilila nabatatekanya mumutima bapoteka nga mfilya bachita Amalembo ambi. Pakuchita mfi balayonaula benka.

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.