2 Petulo 2:4 - Chipangano Chabwangu

⁴ Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

2 Petulo 2:4 ပူးပေါင်းရင်းမြစ်များ

Mateyo 25:41

“Elo akweba abakuba kuchipiko ati, ‘Fumeni mpa, mwe bashama. Kamuya mumulilo uutashimapo uwo Lesa apekanishishe Satana nabangelo bakwe.

Mateyo 8:29

Ulo babwene Yesu, balibilikishe bati, “We mwana waku Lesa, nindo ukofwaya kuli fwebo? Napo wayisa nkuno mukutuchusha nenshita ilingile tayilafika, bayi?”

Maliko 5:7

nokwaula neshiwi ilikulu ati, “Nindo ukofwaya kuli nebo webo Yesu, we Mwana waku Lesa Uwapulamo? Napapata, winchushapo!” (

Luka 10:18

Yesu alibasukile ati, “Nabwene Satana akowa ukufuma kumulu kubati kampeshi-mpeshi.

Luka 8:31

Elo imipashi iibi yafumbile Yesu ukuti eyitamfisha muchilindi chabula impelo.

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Loma 11:21

Lesa tabalekele Abaisilaeli, abo abali kubati misambo inenene. Napo mwebo mukolanguluka ukuti angamuleka bwaka?

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

2 Petulo 2:11

Nangu bangelo, abakwete ifiso nokuchindama ukuchila abasambishi babufi, tabasalulapo bakateka pamenso aku Bashikulu.

2 Petulo 2:5

Lesa takwetepo inkumbu pabantu abakale mbalya, kuntu asungile Nowa bwaka, kashimika wabulungami, pamo nabambi basano na babili, ulo atumine ichama pabantu abatomfwilapo Lesa.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.

Yuda 1:13

Elo bapalana kubati matamba apali bemba aafumya ipofu, efyo nabo balanga ububi bwabo. Bali kubati nintandala ishikoselauka bwaka, elo Lesa alibasungila ichifulo ichifitile fititi ichamuyayaya.

Yuda 1:6

Ibukisheni abangelo abatali kupyunga imilimo nokusha ififulo fyabo. Lesa alibakakile nobunyololo butapwa. Nomba akobasunga muchilindi umufitile fititi ukufikila napakasuba nkalya akubapingula.

Ukufisulula 20:10

Elo Kachenjeleka uwababepele, aliposelwe muli bemba wamulilo uwaka namabwe asilubale, umo umwali kale ichiswango nomusoseshi wabufi. Echo bakuchula umuyayaya akasuba nobushiku.